PM:05:39:28/11/2025
872 جار خوێندراوەتەوە
کونسوڵخانەی ئێران لە هەولێر دەڵێت، ئیدانەی هێرشە درۆنییەکەی سەر کێڵگەی گازی کۆرمۆر دەکەن و هێرشەکە قبووڵکراو نییە.
ئەمڕۆ هەینی ٢٨ـی تشرینی دووەمی ٢٠٢٥، فەرامەرز ئەسەدی، کونسوڵی گشتی ئێران لە هەولێر لەبارەی هێرشکردنە سەر کێڵگەی کۆرمۆر دەڵێت، ئەم هێرشە لەلایەن هەر کەسێکەوە کرابێت، قبووڵکراو نییە و ئیدانەی دەکەن.
ئاماژەی بەوەشکرد، پێیانوایە ئەم کردەوەیە هێرشکردنە سەر ئاسایشی
هەرێم و خۆشگوزەرانیی خەڵکەکەیەتی.
هاوکات، شەوی چوارشەممە ٢٦ـی تشرینی دووەمی ٢٠٢٥، هێرش کرایە سەر
کێڵگەی کۆرمۆر لە سنووری چەمچەماڵ و بەهۆیەوە ئاگر لە کۆگایەکی گەورەی
کێڵگەکە کەوتەوە و دوای هێرشەکە ٪٨٠ـی کارەبای هەرێم کەمبووەوە.
