وتیشی، تێڕوانینێکی هاوبەش بۆ چارەسەرکردنی پرسی سووریا هاتە ئاراوە.
ئاماژەی بەوەشکرد، ٤٠٠  ئەندام بەشداری کۆنفرانسەکە بوون و شاندێکی کوردیی هاوبەش بۆ دانوستان لەگەڵ دیمەشق پێکدەهێندرێت.

راگەیەندراوی كۆتایی كۆنفرانسەكە ئاماژەی بەوەشکردووە، لەم قۆناغە گرنگەی مێژوی سوریادا، گەلی کورد دەیان ساڵە خەبات دەکات بۆ کۆتاییهێنان بە ستەمی نەتەوەیی و بەدەستهێنانی مافە نەتەوەییەکانی خۆی، هەمیشە خەباتی نەتەوەیی خۆی بە خەباتی نیشتمانپەروەرانەی بۆ دامەزراندنی سیستەمێکی دێموکراتیکی فرەیی لە سوریا گرێ دەدات.

باسی لەوەشکردووە، لەسەر بنەمای بەرپرسیارێتی مێژوویی و وەڵامدانەوەی پێداویستییەکانی قۆناغی ئێستا، بنیاتنانی دیدێکی سیاسی هاوبەشی کورد کە ڕەنگدانەوەی ئیرادەیەکی بەکۆمەڵ و پڕۆژەیەکی ڕاستەقینە بێت بۆ چارەسەری دادپەروەرانەی کێشەی کورد لە سوریا وەک دەوڵەتێکی دیموکراسی و لامەرکەزی.
هەروەها، بەشداربوان دیدگای هاوبەشی کوردیان پەسەند کرد کە پێشکەشی کۆنفرانسەکە کرا وەک بەڵگەنامەیەکی دامەزرێنەر کە گوزارشت لە ئیرادەیەکی دەستەجەمعی و ڕێبازێکی واقیعی دەکات بۆ چارەسەرێکی دادپەروەرانە و هەمەلایەنە بۆ پرسی کورد لە چوارچێوەی سوریایەکی یەکگرتودا، بە شوناسە فرە نەتەوەیی و فرە کولتوری و فرە نەتەوەییەکانی کە دەستورەکەی مافە نەتەوەییەکانی گەلی کورد گەرەنتی دەکات، پابەندە بە پەیماننامە و ڕێککەوتنە نێودەوڵەتییەکانی مافی مرۆڤ، پاراستنی ئازادیی و رێککەوتنە نێودەوڵەتییەکان مافی ژنان، و رێگەیان پێدەدات بەشداری کاریگەرانە لە هەموو دامەزراوە سیاسی و کۆمەڵایەتی و سەربازییەکان بکەن.