AM:09:06:25/04/2025
12284 جار خوێندراوەتەوە
کەشناسی هەرێم رایگەیاند، ئەمڕۆ خۆڵبارین بەردەوام دەبێت لەگەڵ بوونی نمە بەران بەتایبەت لە ناوچە شاخاوییەکان. وتیشی، پلەکانی گەرما دادەبەزن و مەودانی بینین کەمدەبێتەوە.
ئەمڕۆ هەینی ٢٥ـی نیسانـی ٢٠٢٥، کەشناسی هەرێم دەشڵێت، سبەینێ ئاسمان نیمچە هەور بۆ هەوری تەواو دەبێت و لە کاتەکانی دوا نیوەڕۆوە بارانبارینی مامناوەند و پچڕپچڕ دەستپێدەکات و دواتر دابارین زیاتر دەبێت و لە سنووری ئیدارەی سۆران و راپەڕینیش ئەگەری تاوەباران و هەورە تریشقەش هەیە.
باسی لەوەشکردووە،
لە بەرەبەیانی یەکشەممەوە کاریگەری شەپۆلەکە بەرەو لاوازی دەچێت و کەشوهەوا ئاسایی
دەبێت، دەشڵێت سبەینێ پلەکانی گەرما یەک بۆ دوو پلە دادەبەزن.
هاوکات کەشناسی عێراقیش هۆشداری لەسەر چڕبوونەوەی خۆڵبارین دەدات بۆ رۆژانی داهاتوو و هەروەها لەگەڵ بەرزبوونەوەی پلەکانی گەرما.
