پۆلیس لاشەی پیاوێکیان لە ویلایەتی ماریلاند لە ئەمریکا دۆزییەوە، کە لە ماڵەکەیدا لەگەڵ ١٢٤ ماری گەورەدا دەژیا.
لە ماڵپەڕی ئێن بی سی ئەمریکیدا هاتووە، ئەو پیاوە بەهۆی ژەهری مارەوە گیانیلەدەستداوە، یەکێک لە مارەکان ئەو پیاوەی گەستووە و بەهۆیەوە گیانیلەدەستداوە.
بەرپرسانی ناوچەکە ئاماژەیان بەوەکردووە، ئەو پیاوە ناوی دەیڤید ریستۆنە و تەمەنی ٤٩ ساڵە، لە ماڵەکەیدا ١٢٤ مار بوونی هەیە و تەنانەت هەندێکیان درێژییەکەیان دەگاتە ١٤ پێ، لە ماری کۆبرا و مامبای رەش و مار بۆرمی تێدایە.
پۆلیس دوای ئەوەی لاشەی پیاوەکەیان لە ماڵەکە دەرهێناوە، دەرگای ماڵەکەیان داخستووە و تەواوی مارەکانیش لە رێگەی کەسانی شارەزا لە بەخێوکردنی ماردا گوازراونەتەوە بۆ کێڵگەی بەخێوکردنی مار.