PM:07:27:16/04/2024
564 جار خوێندراوەتەوە
+
-
نوینەرێ گشتیێ وانەبێژێن هەرێمێ ڕاگەهاند،
ناڤێن زێدەتری ٣٧ هزار وانەبێژان بۆ بەغدا هاتینە هنارتن ب مەرەما دامەزراندنا
وان، لدیڤ زانیاریان ژی بەغدا داخازا ناڤێن وان مامۆستایان کریە.
ئەڤرۆ سێشەمبی،
عەلی رەئووف مستەفا نوینەرێ گشتیێ وانەبێژێن هەرێمێ ڕاگەهاند، وەزارەتا پەروەردێ
ناڤێن ٣٧ هزار و ٧٠٠ وانەبێژان بۆ بەغدا هنارتینە بۆ دامەزراندنێ.
بەحسا وێیەکێ ژیکر، د نها دا چاڤەرێ بەرسڤا
بەغدانە بۆ دامەزراندنا وان وانەبێژان.
بەری نها ژی ئالان حەمە سەعید وەزیرێ
پەروەردەیا حکومەتا رێڤەبرنا کاران ڕاگەهاند، بەرهەڤکاریان دکەن بۆ هنارتنا لیستا
مووچەیێ مامۆستایێن وانەبێژ بۆ بەغدا دا کو دگەل تەمام بوونا مووچەخۆران دا
مووچەیێن خۆ وەربگرن.
هەیاما چەندین سالانە مامۆستایێن وانەبێژ
ئاریشە هەنە و سالەنە خۆنیشاندانان دکەن و دبێژن، مافێن وان وەک مامۆستایێن دی
نینە و تەنانەت ل سلێمانیێ پێدانا مۆهلەتێ ژی جوداهیێ تێدا دکەن، ژبلی ڤێ ژی
شایستە داراییان د دەمێ خۆ دا پێ نادەن، ب ئاوایەکێ د ڤێ حەفتیێ دا شایستە دارایێن
مەها ١ـی ئەڤسالە وەرگرتینە.
ئەڤە ژی د دەمەکێدایە، بسەدەمێ نێزیکبوونا
هەلبژارتنا پەرلەمانێ کوردستانێ، حکومەتا رێڤەبرنا کاران وەسا خۆ نیشانددەت وەکی
کو دڤێت ئاریشەیێن مامۆستایان و مووچەخۆران چارسەر بکەت، کو ئەڤە ژی بەشەکە ژ
بانگەشەیا هەلبژارتنێ.