PM:03:29:16/04/2024
308 جار خوێندراوەتەوە
+
-
ئەڤرۆ کۆمسیۆنا بلندا
سەربخۆیا هەلبژارتنێن عێراقێ دەست ب تاقیکرنا ئامیرێن دەنگدانێ کر و بەرپرسێ
ئۆفیسا سلێمانیێ یێ کۆمسیۆنا هەلبژارتنێن عێراقێ بۆ ئێن ئاڕ تی ڕاگەهاند، پرۆسەیا
دەنگدانا تاقیکاری ب سەرکەفتی هاتە ئەنجامدان و چ ئاریشە د ئامیران دا نینە.
ئەڤرۆ سێشەمبی، ئامانج
عەزیز بەرپرسێ ئۆفیسا سلێمانیێ یێ کۆمسیۆنا هەلبژارتنێن عێراقێ بۆ ئێن ئاڕ تی
ڕاگەهاند، بەرهەڤیێن کۆمسیۆنا عێراقێ بۆ برێڤەبرنا هەلبژارتنا پەرلەمانێ کوردستانێ
د دەمێ خۆ یێ دیارکری دا بەردەوامە، بۆ وێ مەرەمێ ژی پرۆسەیا دەنگدانێ بۆ تاقیکرنا
هەمی ئامیرێن هەلبژارتنێ هاتە ئەنجام دان.
ئاماژە ب وێ یەکێ ژی کر،
ئەو پرۆسەیێ ئەڤرۆ دەمژمێر 10 و 30 خولەکێن سپێدێ دەستپێکر و تا دەمژمێر 12 و 3
خولەکێن نیڤرۆ بەردەوام بوو، ب رێکا ئامیران دەنگدانا تاقیکاری هاتە ئەنجامدان و چ
ئاریشە د ئامیران دا نەبوون.
بەحسا وێ یەکێ ژی کر، تا 20\4 فۆرما بوون ب چاڤدێرێن
سەرن سندوقێن دەنگدانێ دێ یا ئەکتیف بیت و وەلاتی و فەرمانبەر و دەرچوویێن زانکۆ و
پەیمانگەهان و خاندەکار ژی دشێن وێ فۆرمێ تژی بکەن.
ئەڤە د دەمەکی دایە، مەها شەشا ئەڤسالە بۆ ئەنجامدانا هەلبژارتنا
پەرلەمانێ کوردستانێ هاتیە دیارکرن و گەلەک گڤاشتنێن ناڤخۆیی و نێڤدەولەتی لسەر
ئالیێن دەستهەلاتێ یە بۆ ئەنجامدانا هەلبژارتنێ د دەمێ خۆ دا.