AM:08:28:20/02/2024
924 جار خوێندراوەتەوە
+
-
پشتی هاتنە خارا
ئاستێ یەدەکا پەترۆلێ بۆ نزمترین ئاستێ هەست ساکێن دەربازبووی، د نها دا لدیف داتایێن
بازارێن جیهانێ ئێک بەرمیلێ پەترۆلا خاڤا برێنت ب ٨٣ دۆلار و ٤٦ سەنتان بازار پێ
دهێتە کرن و هەڤبەری ب رۆژا دەربازبووی بهایێ وێ ٦١ سەنتان بلندبوویە.
ئەڤرۆ سێشەمبی،
بهایێ پەترۆلێ ل هەمی جیهانێ بلندبوویە و ئێک بەرمیلا پەترۆلا خاڤا ئەمریکی (تێکساس)
ب ٧٩ دۆلار و ٤٩ سەنتان بازار پێ دهێتە کرن و هەڤبەر ب رۆژا دەربازبووی بهایێ وێ
هەڤئاوایێ پەترۆلا خاڤا برێنت بلندبوویە.
هەڤدەم، ئاژانسا
ئەنەرژیا ناڤدەولەتی ڕاگەهاند، پێشبینی دهێنە کرن خاست لسەر دەستڤەئینانا پەترۆلێ
زێدەبیت د ئەڤسالدا زێدەباری هندێ کو ئاستێ یەدەکا پەترۆلێ ل جیهانێ گەهشتیە نزمترین
ئاستێ پیڤانەیی د هەشت سالێن دەربازبووی دا.
ئاماژە ب وێیەکێ
ژیکر، پێشبینی دهێنە کرن چین، هیندستان، بەرازیل ب ڕێژەیا ٧٨٪ ئاستێ ب دەست ڤەئینان
پەترۆلێ بۆ ئەڤسالە بلند بکەن کو هەڤبەری ١٠٣ ملیۆن بەرمیلێن پەترۆلا رۆژانە ئەگەرین
دی ژی دێ هەبن بۆ بلند بوونا بهایێ پەترۆلێ ب ڕێژەیا ١.٢ ٪.
ئەڤە د دەمەکی
دایە، حەیان عەبدولغەنی وەزیرێ پەترۆلا عێراقێ ڕاگەهاند، عێراق دێ بەردەوام بیت ژ
کێمکرنا هەنارەکرنا ١٥٠ هزار بەرمیلێن رۆژانە کو ل مەها دەربازبووی دا لسەر بەردەوام
بوو و ئامانج ژێ بدەستڤەئینانا سەقامگیری و هەڤسەنگیا زێدەترە.
ئەڤە د دەمەکی
دایە، یەدەکا پەترۆلا عێراقێ بۆ سالا ٢٠٢٣ گەهشتبوو زێدەتری ١٤٥ ملیار بەرمیلان
ئانکو ب تێکرا ١١ ترلیۆن دۆلاران و دناڤ ولاتێن عەرەبی دا ل رێزا دوویێ دهێت پشتی
سعودیا.
هەڤدەم، وەلاتێن
ئەندام ل رێکخراوا ئۆپیک ب مەرەما بنەجهکرنا بهایێ پەترۆلێ د بازارێن جیهانی دا، رێکەفتن
لسەر کێمکرنا هناردەکرنا رۆژانە.