PM:12:02:05/02/2024
728 جار خوێندراوەتەوە
+
-
هێزێن سوریا دیموکرات راگەهاند، بنگەهەکێ هێزێن وان ل
دێرەزۆرێ ژ ئالیێ چەکدارێن رژێما سوریاڤە ب درۆنان هاتیە ب ئارمانج گرتن و د
ئەنجامدا شەش شەرڤانان ژیانا خۆ ژ دەستدانە.
ناڤەندا راگەهاندنا هێزێن سوریا دیموکرات ( هەسەدێ)
راگەهاندنەک بەلاڤکر و تێدا هاتیە، چەکدارێن رژێما سوریا ب درۆنان هێرشی سەر
بنگەهەکێ هێزێن وان ل باژێڕێ دێرەزۆرێ کریە و د ئەنجامدا شەش شەڕڤانێن وان ژیانا
خۆ ژ دەستداینە.
ئاماژە ب وێ یەکێ ژی کریە، ئەو هێرش بۆ سەر ئەکادمیا
سەربازیا سەرب هێزێن وان بوویە ل دەڤەرا ئەل عومەر ل رۆژهەلاتێ دێرەزۆرێ.
ناڤەندا راگەهاندنا هەسەدێ گۆت ژی، ژبلی کو ئەو ب تۆندی
وێ هێرشێ شەرمزار دکەن، ل دەم و جهێ گونجایی دێ بەرسڤا وێ هێرشا درۆنی دەن یاکو
بۆسەر هێزێن وان هاتیەکرن.