AM:11:59:03/02/2024
476 جار خوێندراوەتەوە
+
-
رێڤەبەرێ ئۆپراسیۆنێن یەکەیا هەڤبەشێن ئەمریکا ڕاگەهاند،
بەرسڤدانێن ئەمریکا ژبەر نەبنەجهیا سەقای پاشکەفتن، ژبەرکو بالەفرێن وان پێدڤی ب
سەقایەکێ بنەجهـ هەیە. دبێژیت ژی، "د سەقایەکێ بنەجهـ دا دشێن ئارمانجێن خۆ ب
باشی بپێکن".
ئەڤرۆ شەمبیێ، دۆگلاس سمێز رێڤەبەرێ ئۆپراسیۆنێن
هەڤەبەشێن ئەمریکا ڕاگەهاندنەک بەلاڤکر و تێدا هاتیە، بەرسڤدانێن ئەمریکا ژ
تۆلڤەکرنا کوشتنا سێ سەربازێن ئەمریکی ژبە نەبنەجهیا سەقایی پاشكەفتینە.
ئاماژە ب وێ یەکێ ژی کر، زێدەباری وێ یەکێ کو بالەفرێن
وان دشێن د سەقایێ نەبنجهـ ژی دا کارێن خۆ بکەن، لێ هەیا ب هویری ئارمانجێن خۆ
بپێکن چاڤەرێی سەقایێ سوریا و عێراقێ بوون.
ئاماژە ب وێ یەکێ ژی کر، سیستەمێن رادار دشێن گەرمیا
لەشی و هەر لڤینەکێ ب ساناهی دیار بکەن، لێ چێدبیت د دەمێ نەبنەجهـ و بلندبوونا
رێژەیا شێداریێ و باران بارینێ دا شاشیێ بکەن کو ئەو ژی باندۆریێ دکەتە سەر
ئارمانجێن وان.
شەڤا ٢ێ شوباتا ئەڤسالە فەرماندەیێ ناڤەندا ئەمریکا ڕاگەهاند،
ب رێکا بالەفرێن شەڕی ڤە ٨٥ هێرش بۆ سەر گروپێن چەکدار د ئاخا سوریا و عێراقێ دا ئەنجامداینە
ب بکارئینانا ١٢٥ مووشەکێن جودا ل حەفت دەڤەرێن عێراقێ و سوریا.
ژ لایەکێ دیڤە جۆ بایدن سەرۆکێ ئەمریکا دەربارەی وان هێرشان
ڕاگەهاند، د بەرسڤا کوشتنا سێ سەربازێن ئەمریکی ب فەرمانا وی هێرشان بۆ سەر بارەگایێ
گروپێن چەکدار د ئاخا عێراقێ و سوریا دا دەستپێکرینە و بەردەوام دبن هەیا وی دەم و
جهێ وان دیارکری. گۆت ژی، "کوشتنا هێزێن مە باجەکا گران دبیت و چ بزاڤان بۆ
دروستکرنا هەڤرکیان ل رۆژهەلاتا ناڤەراست ناکەین".
لهەمبەر داخۆیانیێن ئەمریکا و سەرۆکێ ئەمریکا دا یەحیا رەسول
پەیڤدارێ هێزێن چەکدارێن عێراقێ ڕاگەهاند، بۆمبەبارانێن ئەمریکا د ئاخا عێراقێ دا
ئالۆزیێن دەڤەرێ بەرفرەهتر دکەن و ئالۆزیێن هەرێمیێن رۆژهەلاتا ناڤەراست دئینە عێراقێ
جودا ژ وێ یەکێ کو بکارئینانا مووشەکان و بۆمبەبارانکرنا چەند دەڤەرێن عێراقێ بنپێکاری
بوویە لهەمبەر سەروەریا ئاخا عێراقێ.