PM:12:00:29/04/2024
124 جار خوێندراوەتەوە
+
-
ژوان ئیسماعیل سکرتێرا جێگرێ سەرۆکێ حکومەتا رێڤەبرنا
کارێن هەرێمێ ڕاگەهاند، پشتەڤانیا هژمارا من دکەن چونکی تشتەکێ مستەقبەلی یە، بەرپرسێ لقا
چار یا پارتی ژی دبێژیت، هەڤکارێن وان د یەکێتی دا، ل سنورێ سلێمانیێ و گەرمیان
مژیلی تۆمارکرنا ناڤێن فەرمانبەرانە د هژمارا من دا.
ژوان ئیسماعیل سکرتێرا
جێگرێ سەرۆکێ حکومەتا رێڤەبرنا کارێن هەرێمێ بۆ میدیایێن حزبا خۆ ڕاگەهاند، پشتەڤانیا
پرۆژەیێ هژمارا من یێ مەسرور بارزانی دکەن ژبەر کو تشتەکێ مستەقبەلی یە.
هەڤدەم ئاری هەرسین بەرپرسێ لقا چار یێ پارتی د دەمێ پشکداریکرنێ دا د
بەرنامەیێ تاوتوێ یێ ئێن ئاڕ تی دا ڕاگەهاند، هەڤکارێن وان یێن یەکێتی ل سنوورێ
سلێمانیێ و گەرمیان مژیلی تۆمارکرنا ناڤێن فەرمانبەرانن د پرۆژەیێ هژمارا من دا.
ئەڤە ژی د دەمەکێدایە، یەکێتی ژلایەکێ د میدیایێن خۆ دا بانگەشەیا
وێیەکێ دکەت کو دگەل داخازیێن مووچەخۆرێن هەرێمێ دانە و ژلایەکێ دی بەردەوامە ژ
نەچارکرنا فەرمانبەران بۆ تژیکرنا هژمارا من، ب مەرەما دەستکەفتنا داهاتی و پارەی
ب وێ رێکێ، ژبەر کو لهەمبەر پشکداریکرنا بەنکێن خۆ د هژمارا من یا مەسرور بارزانی
دا، هەڤئاوایێ پارتی بناڤێ عمولێ بەشەکا مووچەیێ مووچەخۆران بۆ خۆ دێ بەن.
بەری نها ژی ئێن ئاڕ تی زانیبوو، ئەو فۆرمە کریە نەچاری و بناڤێ هەمی
فەرمانگەهێن هەرێما کوردستانی بەلاڤکرینە ل سلێمانیێ و هەولێرێ و دهۆکێ و هەلەبجە
و گەرمیان و جهێن دی ژی، کو فەرمانبەران نەچار دکەت هژمار بەنکیەکی ژ بەنکێن بی بی
ئەی سی و ئارتی بەنک و بەنکا ئیسلامیا عێراقێ بۆ بازرگانیکرن و وەبەرئینانێ و
بەنکا ئەهلیا عێراقێ ڤەکەن.