چیرۆکا ڕزگارکرنا زارۆکەکا ساڤا یا کورد ژ لایێ دوو پۆلیسێن بەریتانیاڤە

PM:05:42:10/01/2024

288 جار خوێندراوەتەوە

+ -

میدیایێن بەریتانیا بەلاڤکرن، دوو ئەفسەرێن پۆلیسان ل بەریتانیا زارۆکەکا دوو رۆژی یا کورد ژ خەنقینی رزگارکر.

میدیایێن بەریتانیا بەلاڤکرن، دوو ئەفسەرێن پۆلیسان ل باژێری میدلزبرە یێ بەریتانیا دەمێ کو د ئەرکیدا بوون و د رێکێ دا بوون بۆ ڤەگەڕیانێ بۆ بنگەهێ خۆ ژ پەیوەندیا هەوار هاتنێ زانیاری پێگەهشتن کو زارۆکەکا ساڤا د مالا واندا هەناسە دانا وێ راوە ستایە.

ئەو دوو پۆلیسە ل جهێ بوویەرێ نێزیک بوون و ل جهێ ڤەگەڕیانێ بۆ بنگەهی رێکا خۆ گۆهریە و چووینە جهێ بوویەرێ و ل وی دەمی زارۆکا کورد کو دوو رۆژی بوویە د هەمبێزا بابێ خۆدابوو و هەناسەیا وێ راوەستابوو.

ئێک ژ پۆلیسان هەناسەدانا دەستکرد بۆ کچا وی کریە و شیایە وێ کچێ رزگاربکەت و پشترا ئامبولانس و تیمێن ساخلەمیێ گەهشتن و هەڤکاریا پێتڤی یا ساخلەمیێ بۆ وێ کچێ کرینە.

کانۆن ئەو ئەفسەرێ پۆلیسان بوو کو ئەو کچە رزگارکری بەحسا وێ کر، "ل دەمێ وێ بوویەرێ دایک و بابێن وێ زارۆکێ گەلەک دلتەنگببوون و ترسیا بوون، لێ ب سەدەمێ وێ کو بەریا نها من ئەڤ رەوشە د رێزێن سوپایدا دیتبوو بلەز من زارۆک ژێ ستاند و من هەناسەدانا دەستکرد بۆ چێکر".