سەرەڕای بەکارهێنانی پلاستیک لە چەندین شتی رۆژانەماندا، بەڵام هۆکارێکی سەرەکەی پیس بوونی سروشت و ژینگەیە و تەندروستی لەناو دەبات هۆکاری زۆر بەکاهێنانیشی بۆ کەمی تێچووی دەگەڕێتەوە.

ئەندازیاری خۆراک لەشکر حمید لە هەژماری تایبەتی خۆی لە فەیسبووک لەبارەی بەکارهێنانی قاپی پلاستیکەوە وتی "ئەو مادانەی نایلۆن و پلاستیکی لێ دروست دەکرێت، مادەی ئۆرگانین کە پێکهاتەکانی نەوتە لە سەرچاوەی غازی سروشتی و نەوت و خەڵوز کە لەگەڵ مادەی پۆلیمەر دروست دەکرێت کە بە تەواوی یەکناگرن، لە کاتێکدا خواردنی گەرمی تێ دەکرێت یان ئاو و شلەمەنی مادەکە توشی داخوران دەبێت و تێکەڵی خواردنەکە دەبێت."

لەشکر حەمید ئاماژەی وتیشی"قاپی پلاستیک ماددەی کیمیای ژەهراوی (ئێپیکلۆرۆهایدین و بیسفینۆڵ ئەی) تێدایە کە لە ئاودا دەتوێنەوە دەچێتە جەستەی مرۆڤەوە دەبێتە هۆی دابەزاندنی بەرگری لەش و دابەزاندنی کەمی ڤیتامینەکان و هۆکارە بۆ نەخۆشی شێرپەنجەی سییەکان و و نەخۆشی گورچیلە و کۆئەندامی زاوزێ و دەبێتە هۆی زیادبوونی هۆرمۆنی ئیسترۆجین کە کاریگەری خراپی هەیە بۆ نەزۆکی ئافرەت."

لە کۆتاییدا لەشکر حەمید هۆشداری دا لە بەکارهێنانی قاپی پلاستیک و ئاماژەی بەوەشدا زۆر ترسناکە لە چێشتخانەکان بۆ خواردنی سەفەری و خواردن و شلەی گەرم بەکاربهێنرێت، پێویستە قاپی شووشە یان قاپی گیای کە مادەی کیمیای تێدانی یە بەکاربهێنرێت.