بەپێی کەشناسی هه‌رێم، بۆ ئه‌مڕۆ و سبه‌ینێ پله‌كانی گه‌رما روو له‌نزمبونه‌وه‌ ده‌كه‌ن، هاوکات پێشبینی تۆزێکی سوک دەکرێت لە ئێوارەی ڕۆژی شەممە.

ئەمرۆ هەینی، ٥ـی ئەیلوولی ٢٠٢٥، به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هەرێم بڵاویکردەوە، ئه‌مڕۆ هه‌ینی ئاسمان ساماڵ ده‌بێت، پله‌كانی گه‌رما به‌ڕێژه‌ی ١-٢ پله‌ی سیلیزی نزمتر ده‌بنه‌وه‌ به‌راورد به‌ تۆماركراوه‌كانی دوێنێ.

دەشڵێت، سبه‌ی شه‌ممه‌ ئاسمان ساماڵ ده‌بێت له‌گه‌ڵ بونی تۆزێكی سوك له‌ كاته‌كانی شه‌ودا، خێرای با مام ناوه‌ند له‌نێوان ١٥-٢٥ كیلۆمه‌تر له‌كاتژمێرێكدا ده‌بێت، پله‌كانی گه‌رماش ١-٢ پله‌ نزمتر ده‌بنه‌وه‌ به‌راورد به‌ تۆماره‌كانی ئه‌مڕۆ.

به‌رزترین پله‌ی پێشبینیكراو بۆ سبه‌ی شه‌ممه ‌:

هه‌ولێر :٣٩ پله‌ی سیلیزی

سلێمانی : ٣٧ پله‌ی سیلیزی

دهۆك :٣٨ پله‌ی سیلیزی

كه‌ركوك : ٤١ پله‌ی سیلیزی

زاخۆ: ٣٨ پله‌ی سیلیزی

هه‌ڵه‌بجه‌ : ٣٨ پله‌ی سیلیزی

سۆران : ٣٧ پله‌ی سیلیزی

حاجی ئۆمه‌ران : ٢٧ پله‌ی سیلیزی

گه‌رمیان: ٤١ پله‌ی سیلیزی