PM:10:46:18/03/2024
1112 جار خوێندراوەتەوە
+
-
پارێزگەها نەجەف و بابل و موسەننا و ئەنبار و سەلاحەدین
و دیالە ڕاگەهاند، ب سەدەمێ باران بارینا ب تۆز و نە بنەجهیا رەوشا سەقای سوبەهی
سێشەمبی ل هەمی سازیان بهێنڤەدانا فەرمی یە.
ئەڤرۆ دووشەمبی، حوسێن عیساوی سەرۆکێ جڤاتا پارێزگەها
نەجەف ڕاگەهاند، ب سەدەمێ نە بنەجهیا رەوشا سەقای سوبەهی سێشەمبی بهێنڤەدانا
فەرمیی یە و ئەو بێهنڤەدانە هەمی سازیێن فەرمیی ڤەدگڕیت ژبلی سازیێن خزمەتگوزاری و
ئەولەهی.
ژلایێ خۆ ڤە ژی، هەر ئێک ژ پارێزگەهێن بابل و موسەننا و ئەنبار و سەڵاحەدین و دیالە ڕاگەهاند، سوبەهی
سێشەمبی ب سەدەمێ هاتنا پێلەکا باران بارینێ، ل هەمی سازیان ژبلی سازیێن ئەولەهی و
خزمەتگوزاری بێهنڤەدانا فەرمی دبیت.
هەڤدەم د وێ دەربارێ دا، ئۆمێد خۆشناو
پارێزگارێ هەولێرێ ڕاگەهاند، لدیڤ پێشبینیێن سەقاناسی سوبەهی باران بارینا ب تۆز ل
سەنتەرێ باژێرێ هەولێرێ ل دەمژمێر ١:٠٠ـی پشتی نیڤرۆ دێ دەستپێکەت و ل وی دەمی دەوام
ب داوی دهێت بڤێ ژی سوبەهی ل وێ پارێزگەهێ بێهنڤەدان نینە.
هەڤدەم، ئەڤرۆ دووشەمبی، فەرمانگەها میدیا و
زانیاریێن هەرێمێ ڕاگەهاندنەک بەلاڤکر و تێدا هاتیە، ل درەنگیا ئەڤشەڤە ب سەدەمێ
باران بارینەکا زێدەتر و ئەگەرێ روودانا لەهیێ هەیە و رەوشا سەقایێ هەرێما
کوردستانێ دێ دژوار بیت.