PM:10:17:18/03/2024
304 جار خوێندراوەتەوە
+
-
ئەرکدارکریێ نەتەوەیێن هەڤگرتی ل عێراقێ ڕاگەهاند، بڕیڤەچوونا
هەلبژارتنا پەرلەمانێ هەرێمێ ١٠ـی حوزەیرانێ و د دەمێ خۆ دا زۆر گرنگە.
ئەڤرۆ دووشەمبی، ئەرکدارکریێ نەتەوەیێن هەڤگرتی
ل عێراقێ ڕاگەهاند، داخازێ ژ هەمی لایەنان دکەین د بەرژەوەندیا خەلکێ دا کار بکەن،
داکو بەرەڤ چارەسەران پێنگاڤان ب هاڤێژین.
بەحسا وێیەکێ ژیکر، "بڕیڤەچوونا هەلبژاتنا ١٠ـی حوزەیرانێ ل
هەرێما کوردستانا عێراقێ زۆر گرنگە".
د وێ دەربارێ ژی دا، بالیۆزا ئەمریکا
ل عێراقێ ڕاگەهاند، دلگرانن ژ بایکۆتکرنا هەلبژارتنا پەرلەمانێ کوردستانێ ژلایێ
پارتی ڤە و داخازێ ژ حکومەتا عێراقێ و هەرێمێ دکەین پشتراست بکەن کو هەلبژارتن د
ئازاد و دادپەروەر و زەلال و باوەرپێکری نە.
ژلایێ خۆ ڤە ژی، ڤێدانت
پاتێل، جێگرێ پەیڤدارێ وەزارەتا دەرڤەیا ئەمریکا د کۆنفرانسەکا رۆژنامەڤانی دا
بەحسا وێیەکێ کر، دلگرانن ژ ڤەکێشانا پارتی ژ هەلبژارتنێ و پشتەڤانیێ ل برێڤەچوونا
هەلبژارتنا ئازاد، دادپەرەورانە و زەلال دکەین.
ئەڤە ژی د دەمەکێدایە، ئەڤرۆ پارتی د ڕاگەهاندنەکێ
دا ڤەکێشانا خۆ ژ هەلبژارتنا پەرلەمانێ کوردستانێ ڕاگەهاند.