PM:08:42:18/03/2024
660 جار خوێندراوەتەوە
+
-
رێڤەبەریا
سەقاناسی یا هەرێمێ ڕاگەهاند، ب سەدەمێ ب هێزیا باران بارینا ئەڤەشەڤە ئەگەرێ
دروستبوونا لەهیێ هەیە و هایداریێ ددەتە وەلاتیان بۆ جێبەجێکرنا رێنمایێن
خۆپارێزیێ.
ئەڤرۆ
دووشەمبی، فەرمانگەها میدیا و زانیاریێن هەرێمێ ڕاگەهاندنەک بەلاڤکر و تێدا هاتیە،
ل درەنگیا ئەڤشەڤە ب سەدەمێ باران بارینەکا زێدەتر و ئەگەرێ روودانا لەهیێ هەیە و رەوشا
سەقایێ هەرێما کوردستانێ دێ دژوار بیت.
ئاماژە ب وێیەکێ ژیکر، پێلەکا باران بارینێ و
بریسیێن بهێز ل درەنگیا ئەڤشەڤە و سوبەهی سێشەمبی بەرەڤ هەمی دەڤەرێن کوردستانێ
دهێت.
بەحسا وێیەکێ ژیکر، داخازێ ژ وەلاتیان دکەن
کو ل دەڤەرێن نزمن دویر بکەڤن و ئۆتۆمبێلان نە راوستینن، چونکی ئەگەرێ دروستبوونا
لەهیان ل وان دەڤەران زێدەترە و بۆ دوویر بوون ژ بریسیان، سەردانا دەڤەرێن چیایی
نە هێتە کرن و وەلاتی ل دەمێ بکارئینانا رێکا سەرەکی دا هایدار ببن و ئەگەر گەلەک
پێدڤی نەبیت رێکا بکار نەئینن.
ئەو یەکژی
بەرچاڤکر، ئەڤشەڤە ل ئیدارەیا ڕاپەرین زۆرترین رێژەیا بارانێ دێ باریت و ئەگەرێ
دروستبوونا لەهیان هەیە.