PM:07:22:18/03/2024
492 جار خوێندراوەتەوە
+
-
جڤاتا وەزاریا عێراقێ بۆ کاروبارێن ئابووری، بۆ وەرزێ چاندنا ئەڤسالە
عێراقێ بهایێ تەنەکێ گەنمی ب ٨٥٠ هزار دیناران دیارکر.
ئەڤرۆ دووشەمبی، جڤینا جڤاتا وەزاریا عێراقێ بۆ
کاروبارێن ئابووری ب بەرهەڤبوونا وەزیرێ پلاندانانا عێراقێ و وەزیرا دارایی و
وەزیرێ چاندنێ و چەند ئالیێن حکومەتا عێراقێ برێڤەچوو.
پشتی وێ جڤینێ ڕاگەهاندن، وێ جڤاتێ بڕیار دا بهایێ هەر تەنەکێ گەنمی بتنێ
بۆ ڤی وەرزێ چاندنێ ب کۆژمێ ٨٥٠ هزار دیناران ژ جوتیاران وەربگریت.
ئاماژە ب وێیەکێ ژیکر، لسەر بنەمایێ مەزاختیان و بهایێ جیهانیێ گەنمی و
چەند پیڤەرێن دی بهایێ گەنمی ب وی کۆژمەی دیارکریە.
ئەڤە ژی د دەمەکێدایە، ژ دەستپێکا ئەڤسالە دا وەزارەتا چاندنا عێراقێ
ڕاگەهاند، ب رێکا چەند رێکارێن نوی دێ بزاڤان کەن ئاستێ وەبەرئینانا گەنمی ل
عێراقێ لهەمبەر سالێن دەربازبووی بلند بکەن.