PM:02:06:18/03/2024
300 جار خوێندراوەتەوە
+
-
فەرماندەیێ بەرێ یێ فەرماندەیا ناڤەندیا ئەمریکا
و فەرماندەیێ ئۆپراسیۆنێن تایبەتێن ئەمریکا بۆ دیجیتال میدیایا ئێن ئاڕ تی
ڕاگەهاند، بەرسڤا وان بۆ وان هێرشێن کو بۆ سەر هێزێن وان ل عێراق و دەردورێ وێ
دهێنەکرن دێ یا گران بیت، دبێژیت ژی، "نێرینا من یا وەسایە کو چ بڕیار لسەر
ڤەکشیانا هێزێن ئەمریکا ل عێراقێ هاتبنەدان".
ئەڤرۆ دووشەمبی، جۆزێف ڤۆتێل فەرماندەیێ بەرێ
یێ فەرماندەیا ناڤەندیا ئەمریکا و فەرماندەیێ ئۆپراسیۆنێن تایبەتێن ئەمریکا د
داخویانیەکا تایبەت دا بۆ دیجیتال میدیایا ئێن ئاڕ تی ڕاگەهاند، ئەرکێ هێزێن
ئەمریکا ل عێراقێ رێگریکرنە ژ دووبارە سەرهلدانا گروپێن چەکدارێن توندرەو و دێ وەک
خۆ مینیت و دێ بەردەوام بن ژ ئەرکێن خۆ.
ئاماژە ب وێیەکێ ژی کر، د نها دا پرۆسەیەک بۆ
گوتوبێژان لسەر هەبوونا هێزێن ئەمریکا ل عێراقێ دناڤبەرا حکومەتا عێراقێ و حکومەتا
فیدرالی هەیە، دبێژیت ژی، ب مانا هیزێن وان ل دەڤەرێ عێراق و ئەمریکا دێ پێکڤە
مفادار بن، ژبەرکو هێزێن وان بەردەوان گڤاشتنان دکەنە سەر پاشماڤێن گروپێن چەکدار
ل دەڤەرێ، ژبەر هندێ ب نێرینا من هێزێن ئەمریکا ل عێراقێ دێ مینن".
بەحسا وێیەکێ ژی کر، "پەیوەندیەکا
بەردەوام دناڤبەرا هەردوو ئالیان دێ یا هەڤکاربیت بۆ زێدەتر ب پیشەیی کرنا ئارتێشا
عێراقێ و دابینکرنا ئاسایشێ بۆ ئەمریکا و هەڤپەشێن وێ ل دەڤەرێ".
ئەو یەکژی بەرچاڤکر، "نابیت رێکێ بدەن گروپێن
چەکدار هێرشێ بکەنە سەر هێزێن ئەمریکا ل عێراقێ، ئەڤە دڤێت بهێتە چارەسەرکرن و ئەو
ئالیێن بەرپرسیار پێرابوون دگەل وان دا بهێتە کرن".
دەربارەی هێرشان بۆ سەر هێزێن وان زێدەکرنا
هژمارا هێزێن وان ئاماژە ب وێیەکێ، بەرسڤدانا وان بۆ هێرش و ئەوێن بەرپرسیار دێ یا
گران بیت و چ ئەگەرەک نینە ئەمریکا هژمارا هێزێن خۆ ل عێراقێ زێدە بکەت.