PM:12:59:18/03/2024
52 جار خوێندراوەتەوە
+
-
سەرۆک وەزیرێن عێراقێ ڕاگەهاند، پێدڤیە گرنگیەکا زێدەتر ب وان پرۆژەیان
بهێتەدان کو هاریکارن ژ بەرەف پێشبرنا ژێرخانا ئابوری و زێدەترین دەلیەڤیێن کاری
پەیدا دکەن.
ئەڤرۆ دووشەمبیێ، نڤیسینگەها محەمەد شیاع سودانی سەرۆک وەزیرێن عێراقێ
ڕاگەهاندنەک بەلاڤکر و تێدا هاتیە، سودانی کۆمبوونەک بۆ گۆتوبێژکرن دەربارەی
بودجەیێ گشتی یێ فیدڕالی بۆ سالا ٢٠٢٤ـێ ئەنجامدا.
د وێ کۆمبوونێ دا سودانی ئاماژە ب وێ یەکێ کر، کار لسەر تەمامکرنا هەمی وان
پرۆژەیان دکەن کو باندۆری لسەر بەرەف پێشىرنا ژێرخانا ئابوریا وەلاتی و زێدەبوونا
پەیداکرنا دەلیڤەیێن کاری و دابینکرنا پێدڤیێن ساخلەمی و خزمەتگوزاریان هەیە.
بەحسا وێ یەکێ ژی کر، ژبەر چاکسازیێ د کەرتێ ئابوریا وەلاتی دا و
وەبەرئینان د کەرتێ ڤەگوهاستنێ، ساخلەمیێ، خزمەتگوزاریا باژێرڤانی، پشتەڤانیکرنا
بەرهەمێن چاندنێ دا جێبەجێکرنا بودجەیێ سالا ٢٠٢٣ێ سەرکەفتن ب دەستڤە ئینایە.
ئەویەک ژی بەرچاڤ کر، بەردەوام دبن ژ جێبەجێکرنا هەمی وان پرۆژەیان کو نەهاتینە
تەمامکرن و باندۆری هەیە لسەر زێدەبوونا داهاتی و دابینکرنا هەمی خزمەتگوزاریێن
دەستپێکی بۆ وەلاتیان ل سەرانسەری عێراقێ.