PM:12:11:18/03/2024
760 جار خوێندراوەتەوە
+
-
ڤەلڤینا نەوەی نوێ ڕاگەهاندنەک دەربارەی
مووچەیێ مووچەخۆران بەلاڤکر و ڕاگەهاند، "پارەیێ بەغدا رادەستی مە بکەن دگەل
داهاتێ ناڤخۆ و هەڤکاریا هەڤپەیمانان ئەگەر مە مووچە دابەشنەکر بلا مە ل سێدارە
بدەن".
درێژاهیا ڕاگەهاندنێ:
بەرسڤەکا کورت بۆ پەیڤدارێ حکومەتا دەم
بسەرڤەچوی
حکومرانێ باش ئەوە خۆ بکەتە قوربانی ژ پێخەمەت
خەلکی نەکو هەمی خەلکی بکەتە قوربانی ژ پێخەمەت بەرژەوەندیێن خۆ.
مەها رەمەزانێ دەلیڤەیەکە بۆ پاقژبوون و ڤەگەریانێ
بۆ رێکا راست لێ ئەڤ دەستهەلاتا گەندەل وەک چەوا مووچەیێ خەلکی بۆ بەریکا خۆ دبەت
چ نەمایە خەلکی و مە ژی توهمەتبار بکەت، د نویترین داهێنان ژی دا پەیڤدارێ حکومەتا
دەرم بسەرڤەچووی دبێژیت ژبەر هندێ مووچەی دابەش ناکەین ئەو پارەیێ بەغدا هنارتی
پشکا مووچەی ناکەت.
ئەوا پارتی و یەکێتی داخاز دکەن مووچەیێ
خەلکی نینە بەلکو ئەو سەدان ملیار دۆلارن کو ب ناڤێ وەلاتیان بۆ دوو مالباتان
وەردگریت و نها ژ وان هاتیە بڕین.
ل ڤێرە ژی وەک تەحەدایەک بۆ دەستهەلاتێ بلا پارەیێ
بەغدا رادەست مە بکەن دگەل داهاتێ ناڤخۆ و هەڤکاریێن هەڤپەیمانان ئەگەر مە مووچە
دابەش نەکر بلا مە ل سێدارە بدەن.
دبێژینە دەستهەلاتێ ژی ئەوا بەری نها بۆ هەوە
بسەرڤە دچوو نها نەوەی نوێ ناهێلیت بۆ هەوە بچیتە سەر و وەلاتیان ژی پشتراست دکەین
کو مافێن وان دێ وەرگرین و ژیێ ڤێ دەستهەلاتێ ژی یێ ل داویێ.