AM:11:12:18/03/2024
404 جار خوێندراوەتەوە
+
-
سەقاناسیا هەرێمێ
ڕاگەهاند، ژ ئەڤرۆ ڤە پێلەکا بهێزا بارانێ دێ دەڤەرێن جودایێن هەرێمێ ڤەگریت و
بریسی ژی دگەل دبن و پلەیێن گەرمێ دێ هێنە خار، دبێژیت ژی، ئەو پێلە تا رۆژا 20ـێ
مەهێ دێ بەردەوام بیت.
سەقاناسیا هەرێمێ
ڕاگەهاندنەک بەلاڤکر و تێدا هاتیە، ئەڤرۆ دووشەمبی، باران بارین ب ئاوایەکێ هێدی و
نەرم ل دەمێن جودا و ل هند دەڤەران دەستپێ دکەت و پتریا دەمان ئەسمان عەورێ تەمام
دبیت و پلەیێن گەرمێ 1 بۆ 3 پلەیان دێ هێنە خار، رێژەیا دابارینێ ژی ل سنورێ پارێزگەها
دهۆکێ زێدەتر دبیت تایبەت ب شەڤێ.
ئاماژە ب وێ یەکێ ژی کر،
سوبەهی سێشەمبی، پشتی زێدەبوون و بهێزبوونا کارتێکرنا وێ پێلا هەرێمێ ڤەدگریت، ژ
ئەنجامێ ئێکگرتنا دوو نزمە پالەپەستۆیێن (دەریایا سور و دەریایا ناڤەراست) باران
بارین ب ئاوایەکێ مامناڤەند و باران بارینا بهێز و بریسی ب درێژاهیا رۆژا سیشەمبی
هەمی هەرێمێ دێ ڤەگریت.
سەقاناسیێ ئەو یەکژی
بەرچاڤکر، ل دەمێن جودا ئەگەرێ بریسی و بارینا گژلوکێ هەیە و ل هند دەڤەران ئەگەرێ
زیدەبوونا لەزاتیا بای هەیە بۆ سەردای 25 کیلۆمەتران د دەمژمێرەکێ دا.
دبێژیت ژی، کارتێکرنا ڤێ
پێلێ ل رۆژا چارشەمبی،20ـێ مەهێ دێ لاواز بیت، ل دەمێ پشتی نیڤرۆ یا هەمان رۆژ دێ
ب داوی هێت.
بڕا باران بارینا
پێشبینیکری ب ڤی ئاوایی دبیت:
دەستپێکێ باران بارین ل
پارێزگەها دهۆکێ دبیت ل شەڤا دووشەمب لسەر سێشەمبی، ب درێژاهیا رۆژا سێشەمبی بارانەکا
بهێز هەمی ل دەڤەرێن چیایی و سنورێ پارێزگەها دهۆکێ و بەشەکا دەڤەرێن چیایی دێ
باریت.
لدیف پێشبینیان بڕا
باران بارینێ ل سنورێ دهۆکێ ب ڤی ئاوایی دبیت:
سەنتەرێ دهۆکێ زێدەتری
60 ملم دبن
دەڤەرێن چیایی ب تایبەت
دەڤەرێن سنوری (ئاکرێ، شێلادزێ، چەمانکێ، ئامێدی) سەردای 70 ملم
ئیدارەیا زاخۆ دناڤبەرا
45 – 65 ملم