AM:09:22:18/03/2024
428 جار خوێندراوەتەوە
+
-
دوو رۆژن لسەر ئێک کارمەندێن پۆلیسێن هاتن و چوونا
سلێمانیێ، دژی گیروبوونا مووچەیێ وان بۆ دەمێ 50 رۆژان، بایکۆتا کارێن خۆ کرینە و
ب چ ئاوایەکی مامەلەیێن وەلاتیان دەربازناکەن.
ئەڤرۆ بۆ رۆژا دوویێ لسەر
ئێک کارمەندێن پۆلیسێن هاتن و چوونا سلێمانیێ بایکۆتا کارێ خۆ کرن و داخازا
دابەشکرنا مووچەی دکەن.
هەیاما دوو حەفتیانە بەغدا پارەیێ مووچەیێ مووچەخۆرێن
هەرێمێ هنارتیە، لێ حکومەتا رێڤەبرنا کاران دەست بسەردا گرتیە و دابەش ناکەت.
ئەڤە د دەمەکی دایە، دوهی دژی گیروبوونا دابەشکرنا
مووچەی فەرمانگەها دادنڤیسا بەکرەجۆ و چەند نەخۆشخانە و رێڤەبەریێن دی ل سلێمانیێ
بایکۆتا کارێن خۆ کرن.
مووچەخۆرێن هەرێمێ د مەها سێ دانە و تا نها مووچەیێ مەها
دوو وەرنەگرتینە، هەڤدەم، د شەش مەهێن دەربازبووی دا حکومەتا رێڤەبرنا کارێن
هەرێمێ بتنێ ئێک مووچە دابەشکریە و چارەنڤیسێ سێ مووچەیێن داویا سالا دەربازبووی
دیار نینە.