AM:08:30:18/03/2024
304 جار خوێندراوەتەوە
+
-
لدیف داتایێن بازارێ جیهانێ د نها دائێک بەرمیلا پەترۆلا خاڤا برێنت ب ٨٥ دۆلار و ٦٤
سەنتان بازار پێ دهێتە کرن، بڤێ ژی هەڤبەر ب رۆژا دەربازبووی بهایێ وێ ئێک ٣٠
سەنتان بلند بوویە.
ئەڤرۆ دووشەمبی، لدیف داتایێن بازارێ جیهانێ، بهایێ ئێک بەرمیلا
پەترۆلا خاڤا تەکساس ب ٨١ دۆلار و ٤١ سەنتان بازار پێ دهێتە کرن، بڤێ ژی هەڤبەر
دوهی بهایێ وێ ٣٧ سەنتان بلند بوویە.
شەڤا ١٤ـێ ئادارێ، بهایێ پەترۆلێ ب رێژەیا ١.٥٢٪ بلندبوو و ئێک
بەرمیلا پەترۆلا خاڤا برێنت ب ٨٥ دۆلار و ٣٠ سەنتا بازار پێ دهاتە کرن.ئێک بەرمیلاتەکساس ب ٨١ دۆلار و ١٧ سەنتان بازار پێ دهاتە کرن.
هەڤدەم، چاڤدێرێن ئابووری ڤێ بلندبوونا بهایێ پەترۆلێ دزڤڕینن بۆ
کێمبوونا پەترۆلا خاڤ ل کۆگەهێن ئەمریکا دا و زۆربوونا خاستا جیهانی لسەر پەترۆلا
خاڤ، هەڤدەم بەرفرەهبوونا گرژی و ئالۆزیێن هەرێمیێن رۆژهەلاتا ناڤین.
ئەڤە د دەمەکی دایە، دەما چەندین مەهانە، شەڕێ ناڤبەرا حەماس و
ئیسرائیل و شەڕ و ئالۆزیێن دەریایا سور دناڤبەرا ئەمریکا و ولاتێن هەڤپەیمان و
گرووپێن ژ یاسایێ دەرچوویێن یەمەن سەر هەلدایە، ئەو گروپێن ژ یاسایێ دەرچووی هێرشێ
دکەنە سەر کەشتیێن ڤەگوهاستنا پەترۆلێ ل دەریایا سور ئەو یەک ژی بۆیە سەدەم بۆ
بلندبوونا بهایێ پەترۆلێ ل بازارێن جیهانێ دا بۆ سەر ٨٠ دۆلاران.