PM:09:18:17/03/2024
64 جار خوێندراوەتەوە
+
-
پەرلەمانتارێ فراکسیۆنا
نەوەی نوێ ل پەرلەمانێ عێراقێ بۆ ئێن ئاڕ تێ ڕاگەهاند، مووچە ژلایێ حکومەتا
رێڤەبرنا کارێن هەرێمێ هاتیە دزین و ئەرکێ نەوەی نوێ یە سکالایێ تۆماربکەت، دبێژیت
ژی، "ئەم خۆ ب بەرپرس دزانین ل هەمبەر وێ ستەما ژ مامۆستا و فەرمانبەران
دهێتەکرن ژبەر هندێ وان سکالا تۆمارکریە".
ئەڤرۆ ئێکشەمبی، رێبوار
ئەورەحمان پەرلەمانتارێ نەوەی نوێ ل پەرلەمانێ عێراقێ د بەرنامەیێ تاوتوێ یێ ئێن
ئاڕ تێ دا ڕاگەهاند، بەغدا داخازا لیستا فەرمانبەران کریە و هەرێمێ لیست ب نیڤەرو
هنارتینە و تا ئەڤرۆ ژی لیستا ناڤێ پێشمەرگە و هێزێن ئەولەهیێ بۆ بەغدا نەهاتیە
هنارتن.
ئاماژە ب وێ یەکێ ژی کر،
مووچەیێ فەرمانبەرێن هەرێمێ ژلایێ حکومەتا رێڤەبرنا کارێن هەرێمێ هاتیە دزین و
ئەرکێ نەوەی نوێ یە سکالایێ لسەر تۆماربکەت.
دبێژیت ژی، "نەوەی
نوێ خۆ ل فەرمانبەرێن هەرێمێ ب بەرپرس دزانیت ژبەر هندێ وان سکالا لسەر مەسرور
بارزانی و قوباد تالەبانی تۆمارکریە و لدیف یاسایا عێراقی جهێ بویەرێ بەغدایە ژبەر
هندێ وان سکالا ل دادگەها کەرغ تۆمارکریە".
ئەو یەکژی بەرچاڤکر،
وەلاتی دشێن ل 10ـێ 6 ب دەنگەکێ داویێ ب ڤێ ستەم و چیرۆکێن تراژیدی بینن و خالا
سەرەکی د گۆهرێن بنەرەتی دا پشکداریا وەلاتیانە د هەلبژارتنێ دا.
ڕاگەهاند ژی، هەلویستێ
پارتی و یەکێتی یێ لاوازە، ژبەرکو وان رێز ل مووچەخۆر و وەلاتیێن هەرێمێ نەگرتیە،
پارتی و یەکێتی سازیێن بهێز ل هەرێمێ دروستنەکرینە ئەڤەژی بوویە سەدەمێ لاوازیا
وان.
بەحسا وێیەکێ ژی کر،
وەزیرا داراییا عێراقێ داخاز کریە فەرمانبەریێن هەرێمێ ل بەنکێن رەشید و رافیدەین
مووچەی وەربگرن و گوتیە ژی ئەگەر هەرێم ژ پرۆژەیێ هژمارا من پاشەکشەیێ نەکەت بەغدا
پارەی بۆ وەزارەتێن هەرێمێ ناهنێریت.
ئەڤە د دەمەکی دایە، ئەڤرۆفراکسیۆنا نەوەی نوێ ل پەرلەمانێ عێراقێ دژی نەدانا
مووچەیێ مووچەخۆارن و و جێبەجێنەکرنا بڕیارا دادگەها فیدڕالی تایبەت ب مووچەی،
سکالا دژی مەسرور بارزانی و قوباد تالەبانی تۆمارکر.