PM:08:43:17/03/2024
448 جار خوێندراوەتەوە
+
-
وەزارەتا چاندنێ و ژێدەرێن ئاڤا هەرێمێ
ڕاگەهاند، لدیڤ وان پێشبینیێن گەهشتینە وان، پێلەکا دژوار یا باران بارینێ ل رۆژێن
دووشەمبی و سێشەمبی ڤێ حەفتیێ برێڤەیە، دبێژیت ژی، "پیدڤیە بەرهەڤکاری بۆ
لەهیان بهێنە کرن".
ئەڤرۆ ئێکشەمبی،
وەزارەتا چاندن و ژێدەرێن ئاڤا هەرێمێ ڕاگەهاند، لدیف وان پێشبینیێن سەقاناسی
"یو ئێس جی ئێس"ـا ئەمریکی و ژێدەرێن ئاڤا عێراقێ و سەقاناسی یا هەرێما
کوردستانێ گەهشتینە وان، پیلەکا دژوار یا باران بارینێ برێڤەیە.
ئاماژە ب وێیەکێ ژیکر، پێلەکا باران بارینێ
ب تایبەت رۆژێن ١٨و١٩ـێ مەهێ کو دبیتە رۆژێن دووشەمبی و سێشەمبیا ڤێ حەفتیێ.
ئەو یەکژی بەرچاڤکر، بۆ دەربازبوونا وێ
پێلێ ب ساخلەمی و پاراستنا سەرومالێ وەلاتیان و پرۆژەیان، پیدڤیە بەرهەڤکاریێن
بەری دەم بۆ لەهیێ بهێنە کرن و داخازێ ژی ژ وەلاتیێن ئاکنجیێن سنورێن بەنداڤان و
چەم و رویباران دکەن، د هەر ئەگەرەکێ بلند بوونا ئاستێ ئاڤێ دا هایدار ببن و خۆ
بپارێزن.
هەر ئەڤرۆ، رێڤەبەریا گشتی یا سەقاناسی یا هەرێمێ ڕاگەهاند،
سوبەهی دووشەمبیێ پێلەکا باران بارینێ دێ بەرەڤ هەمی دەڤەرێن هەرێمێ هێت و ل رۆژا
سێشەمبیێ دێ بەرەڤ زێدەبوونێ چیت ب ئاوایێ بارانا ب تۆز، دبێژیت ژی، رۆژا چارشەمبیا
ڤێ حەفتیێ باران بارین دێ ب داوای هێت.