PM:05:34:17/03/2024
64 جار خوێندراوەتەوە
+
-
ئێکەتیا مامۆستایێن کوردستانێ ڕاگەهاند،
پێدڤیە رەوشا ئابووری یا خەلکێ هەرێما کوردستانێ بەرچاڤ بکەن و ب زوترین دەم ب وی
داهاتێ لبەر دەستدا دەست ب دابەشکرنا مووچەی بهێتە کرن.
ئەڤرۆ ئێکشەمبی،
ئێکەتیا مامۆستایێن کوردستانێ ڕاگەهاند، داخاز دکەن دابەشکرنا مووچەی دەستپێ بکەن
د وی داهاتێ لبەر دەستدا، ب تایبەت مووچەیێ وەزارەتێن مەدەنی، چونکی دابەشکرنا
مووچەی د ڤی دەمی دا دێ بیتە پێنگاڤەک بۆ هەڤسەنگیا بازاری و ڤەژیانا دەبارا
خەلکی.
ئاماژە ب وێیەکێ ژیکر، "رەوش و دەبارا
خەلکێ د ڤی دەمی دا خرابە و نابیت هێجەتا نە هنارتنا مووچەی ژلایێ بەغدا ببیتە
رێگری لهەمبەر پرۆسەیا دابەشکرنا مووچەی دا".
دبێژن ژی، داخازێ ژ جڤاتا وەزیران و
وەزارەتا دارایی یا حکومەتا رێڤەبرنا کاران دکەن ب زویترین دەم لیستا مووچەی بەلاڤ
بکەن و دەست ب دابەشکرنا مووچەی بکەن.
شەڤا دەربازبووی، پێشەوا هەورامانی پەیڤدارێ حکومەتا رێڤەبرنا
کارێن هەرێمێ ب میدیایا پارت ڕاگەهاند، ب تێکرایا دەنگێن وەزیران ل جڤاتا وەزیران
بڕیار هاتەدان پارەیێ بەغدا بۆ هەرێمێ هنارتی بۆ مووچەیێ مەها دوو یێ مووچەخۆران نەهێتە
دابەشکرن.
بەری نها ژی، ئێن ئاڕ تی ئەو یەکژی زانییە، پارتی و
یەکێتی ب هەڤبەشی دەست بسەر مووچەیێ خەلکی داگرتیە و ب بڕیارا مەسرور بارزانی و
قوباد تالەبانی دابەشکرنا مووچەی هاتیە راگرتن، د دەمەکی دا بەغدا ٥٦٠ ملیار دینار
هنارتینە و داهاتێ سێ مەهێن ناڤخۆ ژی بەردەستە کو مەهانە ٣٥٠ ملیار دینارە.
دیڤدا ژی، ئاوات جەناب وەزیرێ دارایێ حکومەتا رێڤەبرنا
کارێن هەرێمێ زانیاریێن ئێن ئاڕ تی دەربارێ راگرتنا مووچەی پشتڕاستدکەت د داخویانیەکێ
دا بۆ میدیایێن پارتی راگەهاند، هەمی وەزیر ئیك دەنگبوون لسەر بڕیارا جڤاتا وەزیران
دەربارێ دابەشنەکرنا مووچەیێ مووچەخۆرێن هەرێمێ.