PM:09:11:16/04/2024
68 جار خوێندراوەتەوە
+
-
بەرپرسەکێ
پەیوەندیێن دەرڤەیێن هەرێمێ ل بەرنامەیێ تاوتوێیێ ئێن ئاڕ تی ڕاگەهاند، ئەمریکا و
جڤاکا ناڤدەولەتی دگەل هەلبژارتنا پەرلەمانێ کوردستانێ نە د دەمێ خۆدا و ب
ئاوایەکێ پاک و بێ گەرد برێڤەبچیت، گوت ژی، پێدڤیە ئەڤسالە هەلبژارتن بهێتە
ئەنجامدان.
ئەڤرۆ سێشەمبی، سەفین دزەیی بەرپرسێ پەیوەندیێن دەرڤەیێن هەرێمێ د
بەرنامەیێ تاوتوێیێ ئێن ئاڕ تی ڕاگەهاند، جڤاکا ناڤدەولەتی و ئەمریکا ژی دگەل
وێیەکێ دانە کو هەلبژارتنا پەرلەمانێ کوردستانێ د دەمێ خۆدا ب ئاوایەکێ پاقژ و بێ
گەرد برێڤەبچیت.
ئاماژە ب وێیەکێ
ژیکر، پێدڤیە ئەڤسالە هەلبژارتنا پەرلەمانێ هەرێما کوردستانێ بهێتە ئەنجامدان.
هەڤدەم هەر ئەڤرۆ،
تۆماس سیلەر بالیۆزێ ئێکەتیا ئەوروپا ل عێراقێ ڕاگەهاند، بۆ نویکرنا شەرعییەت و
پرۆسەیا دیموکراسی، پێدڤیە هەلبژارتنا گەرا شەشێ یا پەرلەمانێ کوردستانێ بهێتە
ئەنجامدان.
ژلایەکێ دی ڤە، پاتریک
دورێل، بالیۆزێ فەرەنسا ل عێراقێ ڕاگەهاند، تەکەزیێ ل گرنگی دانا ئەنجامدانا
هەلبژارتنا گەرا شەشێ یا پەرلەمانێ کوردستانێ د دەمێ خۆدا و ب پشکداریا هەمی
ئالیان دکەین.
ئەڤە ژی د
دەمەکێدایە، ئێکەمجارە د هەیاما 32 سالێن دەربازبووی دا سەرۆکێ ئەمریکا
تەکەزیێ لسەر ئەنجامدانا هەلبژارتنا پەرلەمانێ کوردستانێ بکەت و پشتەڤانیا خۆ بۆ ئەنجامدانا
هەلبژارتنێ ڕابگەهینیت.
هەڤدەم، محەمەد شیاع
سودانی سەرۆک وەزیرێن عێراقێ د جڤینا دگەل ئەنتۆنی بلینکن وەزیرێ دەرڤەیێ ئەمریکا
دا ڕاگەهاند، رێککەفتنێن ستراتیجی دناڤبەرا ئەمریکا و عێراقێ دا دبیتە سەدەمێ گرنگی
پێدانا پەیوەندیێن دناڤبەرا عێراقێ و ئەمریکا دا.
ئەڤە د دەمەکی دایە، مەها شەشا ئەڤسالە بۆ ئەنجامدانا هەلبژارتنا پەرلەمانێ
کوردستانێ هاتیە دیارکرن و گەلەک گڤاشتنێن ناڤخۆیی و نێڤدەولەتی لسەر ئالیێن دەستهەلاتێ
یە بۆ ئەنجامدانا هەلبژارتنێ د دەمێ خۆ دا.