AM:10:50:16/04/2024
580 جار خوێندراوەتەوە
+
-
ژێدەرەکی ژ وەزارەتا
داراییا حکومەتا رێڤەبرنا کاران بۆ دیجیتال میدیایا ئێن ئاڕ تی ڕاگەهاند، تا 18ـێ مەهێ
لیستا مووچەیێ مەها چار دێ بەرهەڤ کەن و دگەل هنارتنا لیستێ دێ چاڤەرێ هنارتنا
پارەیێ بەغدا کەن، دبێژیت ژی، "دگەل گەهشتنا پارەی ل بەغدا دەست ب دابەشکرنا
مووچەیێ مەها چار دکەن".
ئەڤرۆ سێشەمبی، ژێدەرەکی
ژ وەزارەتا داراییا حکومەتا رێڤەبرنا کاران بۆ دیجیتال میدیایا ئێن ئاڕ تی ڕاگەهاند،
وان دڤێت تا 18ـێ مەهێ لیستا مووچەیێ مەها چار دێ بەرهەڤ کەن و بۆ بەغدا بهنێرن
هەیا دگەل عێراقێ مووچەی دابەش بکەن.
ئاماژە ب وێ یەکێ ژی کر،
دگەل هنارتنا لیستێ دهێتە چاڤەرێکرن ل بەغدا پارە بۆ هەرێمێ بهێتە هنارتن و دەست ب
دابەشکرنا مووچەیێ مەها چار یێ مووچەخۆران دهێتەکرن.
بەحسا وێ یەکێ ژی کر،
وان داخاز ژ هەمی وزارەتان کریە لیستا مووچەیێ مەها پێنج ب پلە بلندکرن بەرهەڤ
بکەن، د نها دا بەشەکا وەزارەتان ئەو هایدار کرینە کو لیستا مووچەیێ مەها پێنج ب
پلە بلندکرن یا بەرهەڤە لێ تا نها رادەستی وەزارەتا دارایی نەهاتیەکرن.
گوت ژی، "ئەو وەزارەتێن
کو ماینە هاتینە هایدارکرن کو کارێن خۆ بلەزتر بکەن هەیا تا رۆژا ١ـی مەها بهێت
لیستا مووچەی ب پلە بلندکرن یێ بەرهەڤ بیت".