پارتی شیانێن هەڤڕکیان د ھەلبژارتنان دا نەمایە

412 جار خوێندراوەتەوە

ژبەرکو ھیچ لایەنەک بەرهەڤ نەبوون، پشتەڤانیا مەرجێن ساختەیێن پارتی بکەت بۆ ھەلبژارتنا پەرلەمانێ کوردستانێ ل 10\6\2024ـێ.

کو پێکھاتبوون ژ داخازکرنا نێزیکی" ٤٠٠ ھزار دەنگێن" مسوگەر بۆ لیستا پارتی ب ھێجەتا پەنجە موران و چەندین مەرجێن دی کو د بنەرەتدا بۆ خزمەت بەرژەوەندیا حزبا پارتی بخو بوون.

ھەر ژبەر ھندێ سەرکردایەتیا پارتی جورئەت نەکر بێ مەرج پشکداریێ د ھەلبژارتنان دا بکەت، داکو قەبارەیێ راستەقینەیێ حزبا وان بۆ خەلکێ کوردستانێ دیار نەبیت، ژبەرکو باش دزانن پێگەهێ وان یێ جەماوەری گەلەک لاواز بوویە و دێ توشی شکەستنەکا مەزن بن،

ژلایەکێ دی ڤە پارتی ترسەکا مەزن ژ زێدەبوونا دەنگێت ئوپوزسیونێ ھەیە و شیانێن هەڤڕکیێ دگەل ھێزێن ئوپوزسیۆنێ نەمایە د پروسەیا ھەلبژارتنان دا و دەنگدانا بێ ساختە، تایبەت دگەل ھێزەکا وەکو (نەوەی نوێ) کو ڤێ جارێ ب ئاوایەکێ بەرچاف دەنگێت وێ بەرەف زێدەبوونێ ڤە چووینە و بەرهەڤیێن باش کرینە بۆ گرتنا گوپیتکا دەستھەلاتێ و پێکئینانا حکومەتا نوی یا بهێت ل ھەرێما کوردستانێ.