قۆزی یەکێکە لە خواردنە
خۆشەکان و ئامادەکردنی ئاسانە و کاتێکی کەمی دەوێت.
کەرەستەکان:
کیلۆیەک گۆشتی سوور
خوێ
ئاوی گەرم
سەلکێک پیازی جنراو
سەلکێک تەماتەی
قاشکراو
کەوچکێک ئاڵەتی ڕەش و
بیبەری سوری هاڕڕاو
نیو کەوچک دۆشاوی تەماتە
کەوچکێکی بچوک زەنجەفیل
ئامادەکردنەکەی:
سەرەتا گۆشتەکە ورد دەکرێت
و دەشۆرێتەوە و دەخرێتە مەنجەڵێکەوە و کەمێک خوێی پێوەدەکرێت، بەئاوەکەی خۆیەوە
سوردەکرێتەوە.
کەوچکێک زەنجەفیلی هاڕڕاو
و سەلکێک پیازی جنراو و سێ سەلک تەماتەی قاشکراو ، لەگەڵ ئاڵەتی ڕەش و بیبەری سوری
هاڕڕاو و دۆشاوی تەماتەکەی تێکەڵدەکرێت، پێکەوە کەرەستەکان تێکدەدرێت تا بەجوانی
سوردەبنەوە.
ئاوە گەرمەکەی تێکەڵدەکرێت
و سەری مەنجەڵەکە دادەپۆشرێت و بەجێدەهێڵرێت تاوەکو بەجوانی دەکوڵێت، لەدوای مژینی
ئاوەکەی تێکدەدرێت و کەمێک سور دەکرێتەوە، لەکۆتاییدا لەگەڵ برنجی خڕ یان برنجی
کوردی پێشکەش دەکرێت.