PM:12:37:24/03/2026
768 جار خوێندراوەتەوە
کەشناسی رایگەیاند، ئەمڕۆ ئاسمانی هەرێم هەوری تەواو دەبێت لە گەڵ هاتنی شەپۆلێکی بارانبارین سەرەتا پێش نیوەڕۆ لە ناوچەکانی کەرکوک و گەرمیان دەست پێدەکات، پاشان بۆ دوای نیوەڕۆ و ئێوارەدا سەرجەم ناوچەکانی هەرێم دەگرێتەوە کە هەندێ جار هەورەبرووسکەی لە گەڵ دەبێت لە ناوچەکانی گەرمیان، وە لە ئێوارە و شەودا بارانبارین زیاتر دەبێت لە ناوچەکانی گەرمیان و رۆژهەلات و ناوەڕاستی هەرێم.
ئەمڕۆ سێشەممە ٢٤ـی ئازاری ٢٠٢٦، بەڕێوەبەرایەتی کەشناسی گشتی و بوومەلەرزەزانی بڵاویکردەوە، سبەینێ ئاسمان هەوری باراناوی دەبێت بە درێژایی کاتەکان وە بۆ ماوەیەکی کورت خایەن بارانبارینی بە لێزمە دەبێت لە سنووری گەرمیان و کەرکووک و رۆژهەڵاتی هەولێر و بەشێک لە ناوچە شاخاوییەکانی دهۆک.
باسی لەوەشکرد،
لە دواینێوەڕۆوە نمە باران و بارانی مام ناوەند کە هەندێ جار هەورە برووسکەی لەگەڵ
دەبێت سەرجەم ناوچەکانی هەرێم دەگرێتەوە و پلەکانی گەرما کەمێک نزم دەبێتەوە بە
بەراوورد بە تۆمارکراوی دوێنێ.
روونیشیکردەوە،
لە درەنگانی شەو و بەیانی زووی پێنج شەممەدا تا رادەیەک بارانبارین لاواز دەبێت
لەگەڵ بارینی بەفرێکی کەم لە ناوچە شاخاوییە سنوریەکانی باکوور و باکووری رۆژهەڵاتی
هەرێم.
بەرزترین
پلەکانی گەرمای پێشبینیکراو:
سلێمانی: ١٦
پلەی سیلیزی
هەولێر: ١٨
پلەی سیلیزی
پیرمام: ١٥
پلەی سیلیزی
سۆران: ١٥ پلەی
سیلیزی
حاجی ئۆمەران: ٨
پلەی سیلیزی
چەمچەماڵ: ١٨
پلەی سیلیزی
دهۆک: ١٦ پلەی
سیلیزی
زاخۆ: ١٦ پلەی
سیلیزی
هەڵەبجە : ١٦
پلەی سیلیزی
گەرمیان : ١٩
پلەی سیلیزی
