PM:02:00:13/03/2026
1028 جار خوێندراوەتەوە
وەزارەتی بەرگری تورکیا رایدەگەیەنێت، لە ئێرانەوە مووشەکێكی بالیستی ئاڕاستەی تورکیا کراوە و هێزەکانی بەرگری ئاسمانیی ناتۆ تێکیانشکاندووە.
ئەمڕۆ هەینی ١٣ـی ئازاری ٢٠٢٦، وەزارەتی بەرگری نەتەوەیی تورکیا لە راگەیەندراوێکدا باسی لەوەکرد، هێزەکانی بەرگری ئاسمانیی ناتۆ مووشەکێکی بالیستییان تێکشکاندووە کە لە خاکی ئێرانەوە هەڵدراوە و چووەتە ناو ئاسمانی تورکیا و لە لایەن سیستەمی بەرگری ئاسمانی و مووشەکی ناتۆ لە رۆژهەڵاتی دەریای ناوەڕاست تێکشکێندراوە.
ئاماژەی
بەوەشکرد، وڵاتەکەیان هەموو رێوشوێنێکی پێویست
دەگرێتەبەر بەرامبەر هەر هەڕەشەیەک کە بکرێتە سەر خاک و ئاسمانی وڵاتەکەی و لەگەڵ
لایەنە پەیوەندیدارەکانی ئێران لە گفتوگۆدان بۆ زانینی هۆکار و وردەکارییەکانی ئەو
رووداوە.
روونیکردەوە، پاراستنی ئاسایشی
نەتەوەیی وڵاتەکەیان لە پێشینەیە و بە
وردی چاودێری پەرەسەندنە سەربازییەکانی ناوچەکە دەکەن.
