سەرۆکی ئەمریکا دەڵێت، پێم وایە جەنگەکە تا رادەیەکی زۆر یەکلایی بووەتەوە و کۆتایی هاتووە و ئەوان ئێستا نە هێزی دەریاییان ماوە، نە سیستمی پەیوەندییەکان و نە هێزی ئاسمانی.
ئەمڕۆ دووشەممە ٩ـی ئازاری ٢٠٢٦، دۆناڵد ترەمپ، سەرۆکی ئەمریکا لە چاوپێکەوتنێکی نوێدا لەگەڵ کەناڵی سی بی سی، چەند زانیارییەکی گرنگی سەبارەت بە داهاتووی ململانێ سەربازییەکانی وڵاتەکەی و ئێران ئاشکراکرد.
ترەمپ وتی، جەنگی
دژی ئێران بە خێراییەکی زۆر زیاتر لەوەی پێشتر پلانی بۆ داڕژابوو بەڕێوەدەچێت و وتیشی،
"ئەم جەنگە بە رێژەیەکی زۆر کۆتایی پێهاتووەو ئامانجەکان خەریکن دەپێکرێن.
لە بەشێکی تری
قسەکانیدا، ترەمپ ئاماژەی بە قۆناغی دوای "خامنەیی" کرد و رایگەیاند، لە
ئێستاوە بیر لە دیاریکردنی کەسایەتییەک دەکەنەوە بۆ ئەوەی شوێنی رێبەری باڵای ئێران
بگرێتەوە.
ترەمپ ئاشکراشیکرد،
ئێران هێزی دەریایی و هێزی ئاسمانی و سیستەمی پەیوەندیی نەماوە، هەروەها باشترە لێپرسراوانی
ئێران هیچ كارێكی پێشێلكاری نەكەن ئەگەر نا ئەوە دەبێتە كۆتایی ئەو وڵاتە.