PM:03:55:09/03/2026
760 جار خوێندراوەتەوە
جێگری بەڕێوەبەری ئاسایشی حەسەكە دەڵێت، ٤٠٠ خێزانی عەفرین دوای هەشت ساڵ ئاوارەیی دەگەڕێنەوە بۆ سەر ماڵ و حاڵی خۆیان و وتیشی، دوای گەیشتنی ئەم كاروانە هەوڵ دەدرێت لەماوەی سێ رۆژدا تەواوی ئاوارەكان بگەڕێنەوە.
ئەمڕۆ دووشەممە ٩ـی ئازاری ٢٠٢٦، سیامەند خەلیل، جێگری بەڕێوەبەری ئاسایشی حەسەكە وتی، رۆژێكی مێژوییە بۆ گەلی كورد و دانیشتوانی شاری عەفرین کە دوای هەشت ساڵ لە ئاوارەیی دەگەڕێنەوە بۆ خاكی خۆیان، ئەمەش بەرهەمی رێككەوتنی ٢٩ كانونی یەكەمی نێوان هێزەكانی سوریای دیموكرات و حكومەتی کاتی دیمەشقە.
وتیشی، ٥٠ پاسی گواستنەوە دابین كراوە و رێگاكانیش پارێزراوە بۆ
زامنكردنی گەڕانەوەیان بۆ شوێنەكانیان.
وتیشی، دوای گەیشتنی ئەم كاروانە هەوڵ دەدرێت لەماوەی سێ رۆژدا
تەواوی ئاوارەكان بگەڕێنەوە و دەشڵێت، كوردانی عەفرین جەژنی رەمەزان و جەژنی
نەورۆز لە عەفرین دەكەن.
