PM:06:13:26/02/2026
1588 جار خوێندراوەتەوە
دوای ساڵانێک لە کێشەی یاسایی، کشتوکاڵی کەرکوک دەڵێت، سەرجەم ئەو گرێبەستە کشتوکاڵیانەی کە بۆ عەرەبی هاوردە لەسەر زەوییە رەسەنەکانی کورد و تورکمان کرابوون هەڵوەشێندرانەوە.
ئەمڕۆ پێنجشەممە ٢٦ـی شوباتی ٢٠٢٦، بەڕێوەبەرایەتی کشتوکاڵی کەرکوک لە راگەیەندراوێکدا دەڵێت، سەرجەم ئەو گرێبەستە کشتوکاڵیانەی بۆ عەرەبی هاوردە لەسەر زەوییە رەسەنەکانی کورد و تورکمان کرابوون هەڵوەشێندرانەوە و بڕیارەکە چووەتە بواری جێبەجێکردنەوە، ئامانجیش لەم کارە سڕینەوەی شوێنەوارەکانی گۆڕینی دیمۆگرافییە لە ناوچەکەدا.
بڕیارەکە پاڵپشتە
بە بڕیاری ژمارە ٢٩ـی حکومەتی عێراق و تێیدا جەختکراوەتەوە کە پێویستە هۆبە کشتوکاڵییەکان
بێ دواکەوتن بڕیارەکە بخەنە بواری جێبەجێکردنەوە.
هاوکات، ئەم رێکارە
یاساییە، وەک وەرچەرخانێکی گرنگ لە مەلەفی زەویوزار و قەرەبووکردنەوەی خاوەنە رەسەنەکان
هەژمار دەکرێت.
