PM:05:24:15/02/2026
1236 جار خوێندراوەتەوە
لەبارەی قەدەغەكردنی بردنی مادەی خۆراكی لەگەڵ عومرەكاران بۆ سعوودیە، دەستەی باڵای حەج و عومرەی عێراق دەڵێت، بڕیارەكە پابەندبوونە بە رێنماییە فەڕمییەكانی سعودیە و لەپێناو پاراستنی سەلامەتی و تەندروستی عومرەكارانە.
دەستەی حەج و عومرەی عێراق لە روونکردنەوەیەکدا دەڵێت، یەكێك لە هۆكارە سەرەكییەكان ئەوەیە بڕێكی زۆری خۆراك لە كاتی گواستنەوە و كۆگاكردندا بەهۆی گۆڕانی پلەی گەرما و درێژیی رێگاكە ئەگەری خراپبوونیان هەیە، ئەمەش مەترسی ژەهراویبوون و زیانی تەندروستی دروست دەكات.
ئاماژەی
بەوەشکردووە، بەپێی رێنماییەكانی بەرگری شارستانیی سعودیە و بۆ رێگریكردن لە هەر رووداوێكی
نەخوازراوی ئاگركەوتنەوە كە رەنگە بەهۆی بەكارهێنانی ئامێرەكانی چێشتلێنان لە شوێنی
مانەوەدا روو بدات، خواردن دروستکردن لەناو هۆتێل و شوێنی نیشتەجێبوونی عومرەكاران
قەدەغەیە.
دەستەی حەج و
عومرە جەختیشی كردەوە، "رێگریی لە بردنی خۆراك لەلایەن عومرەكارانەوە بۆ
سعوودیە یارمەتیدەرە بۆ خێراكردنی پڕۆسەی پشكنین لە مەرز و فڕۆكەخانەكان و كەمكردنەوەی
جەنجاڵی، داواشی لە عومرەكارانی عێراق كرد پابەندی رێنماییەكان بن بۆ ئەوەی بە
ئارامی و بێ گرفت گەشتەکانیان ئەنجام بدەن".
