دواى قسەکانى جێنین پلاستخارت، نوێنەرى نەتەوەیەکگرتووەکان لە عێراق لەسەر هەڵبژاردن لە هەرێم، بڕیارە ئەمڕۆ یەکێتى و پارتى کۆببنەوە.
بەپێى زانیارییەکانى ئێن ئاڕتى کۆبونەوەکەى ئەمڕۆى نێوان ئەو حزبانە بۆ قسەکردنە لەسەر هەڵبژاردن و تاوتوێکردنى هەڕەشەکانى نەتەوەیەکگرتووەکان و کۆمەڵگەى نێودەوڵەتى لەسەر هەڵبژاردن.
رۆژی ١٩ى
ئەم مانگە نوێنەرى نەتەوەیەکگرتووەکان لە عێراق لە ئەنجومەنى ئاسایشى نێودەوڵەتى
هۆشدارى دایە یەکێتى و پارتى کە چیتر هەڵبژاردن دوانەخەن.
دوێنێش
ئێلینا رۆمانۆسکى، باڵیۆزى ئەمریکا لە عێراق لە تویتێکدا باسی لەوەکرد، لەگەڵ
بەرپرسانى یەکێتى و پارتى قسەى کردووە و
جەختیکردووەتەوە کە تا کۆتایی ئەمساڵ هەڵبژاردن بکەن.
ماوەى
زیاتر لە شەش مانگە تەمەنى ئاسایی خولى پێنجەمى پەرلەمانى کوردستان تەواو بووە و
بڕیارە ١٨ى ١١ـی ئەمساڵ هەڵبژاردن بۆ خولى شەشەمى پەرلەمانى کوردستان
بەڕێوەبچێت و ئەمەش دەبێتە یەکەم هەڵبژاردن کە ئەمریکا و کۆمەڵگەى نێودەوڵەتى
راستەوخۆ سەرپەرشتى بکەن.