سەردێڕ:

پۆلیسی ئیتالیا: تۆڕێکی قاچاخچێتیمان بە کۆچبەرەوە دەستگیر کردووە

PM:11:07:10/05/2023

1460 جار خوێندراوەتەوە

پۆلیسی ئیتالیا رایگەیاند، توانیویانە ٢٩ کەسی سەربە تۆڕێکی قاچاخچێتی بە کۆچبەران و گواستنەوەیان لە تورکیا و یۆنانەوە ئەوروپا دەستگیر بکەن.


ئەمڕۆ چوارشەممە، پۆلیسی کالابریا لە ئیتاڵیا لە راگەیاندراوێکدا ئاماژەی بەوەکردووە، لەساڵی ٢٠١٨ەوە دەستیان بە لێکۆڵینەوەکانیان کردووە بۆ دەستگئرکردنی تپڕێکی قاچاخچێتی و توانیویانە ٢٩ کەسی ئەو تۆڕە دەستگیربکەن.

دەشڵێت، ئەوانەی دەستگیرکراون هاوڵاتی رۆژهەڵاتی ناوەڕاستن و زۆرینەیان کوردی هەرێمن و ئەندامی ئەو گروپە لە وڵاتانی تورکیا و یۆنان و ئیتالیان.

لەراگەیەنراوەکەی پۆلیسدا ئاماژەبەوەکراوە، پەنابەرەکان نزیکەی حەوت بۆ ١٥ هەزار یۆرۆ لەپێناو دەربازکردنیاندا بە قاچاخچییەکان دەدەن کە دەیانەوێت بە ئەوروپا بگەن و لە ئەکسەرای تورکیا پێشەکی پارەکە دەدن.

باس لەوەشکراوە، زۆربەی قاچاخچییەکانی گواستنەوەی کۆچبەرەکان راستەوخۆ لە کەناراوەکانی تورکیاوە و بەشی زۆری لە ئیزمیرەوە بۆ باشوری ئیتالیا دەگوازنەوە.

فرانسیسکۆ میسینا بەرپرسی پۆلیسی ئیتالیا رایگەیاندووە، لە هەڵمەتەکەدا پۆلیسی ئینتەرپوڵ و یۆرۆپوڵ و هێزە ئەمنییەکانی تورکیا و یۆنان و بەلجیکا و ئەڵمانیا و سویسرا و بەریتانیا و مەغریب بەشدارییان لە پرۆسەی دەستگیرکردنەکەدا کردووە.













گەلەری