ئەوەشی خستەڕوو، سەرجەم تۆمەتباران خەڵکی سلێمانین و بەشێک لەوانەی ڤیدیۆی رووداوەکەیان لە تۆڕە کۆمەڵایەتییەکان بڵاوکردووتەوە دەستگیرکراون و دەست بەسەر چەند چەکێکی سادەی ناوی گیرفانیش گیراوە.

باسی لەوەشکرد، داواکری گشتی بڕیار لەسەر سزای تۆمەتبارەکان دەدات، دەشڵێت "ئەو کچە لە ماوەکانی رابردووش چووەتە ئەو جێگایە و تەمەنی ١٧ ساڵە."

سەرکەوت ئەحمەد وتەبێژی پۆلیسی سلێمانی ئاماژەی بەوەشدا، دەبوو بەرێوەبەرایەتی هاتووچۆی سلێمانی لەرێگەی نووسراوێکەوە سەبارەت بە جموجۆڵی ئەو شوێنە ئاگاداری بنکەی پۆلیسی سلێمانیان بکردایەتەوە و دەشڵێت، "ئەگەر هاتووچۆ ئاگاداری بناردایە ئێمە رێگریمان لەو جموجۆڵانە دەکرد کە لەو ناوچەیە ئەنجامدراون."

یەکێک لە شاتحاڵەکان لە لێدوانێکدا بۆ ئێن ئاڕ تی ئاماژەی بەوەدا، کچەکە لەگەڵ چەند کوڕێکی ماتۆڕسواردا بووە و لەگەڵ ئەو کەسانەی کە لەوێ بوون توشی دەمەقاڵی بووە و لێیدراوە و دواتریش هاوڕیکانی خۆی لە شوێنی رووداوەکە دوریانخستووەوەتەوە.

هەر بەگوێرەی زانیارییەکانی ئێن ئاڕ تی ئەو کچە ساکاڵای یاسایی لەسەر ئەو کەسانە تۆمارنەکردووە کە دەستدرێژیان کردووەتە سەر بەڵام بەهۆی سکاڵای داواکاری گشتییەوە و بەهۆی بڵاوبوونەوە گرتەڤیدیۆییەکانەوە پۆلیس بە ئاسانی توانیویەتی بەشیک لەو کەسانە دەستگیر بکات.