PM:10:50:25/04/2024
872 جار خوێندراوەتەوە
+
-
وەزارەتا پەروەردەیا حکومەتا رێڤەبرنا کاران مامۆستا و فەرمانبەران
نەچار دکەت کو هژمارا بەنکێ ب رێکا پرۆژێ هژمارا من ڤەکەن تا ب ڕێکا وی پرۆژەیی مووچەیێ
خۆ وەربگرن.
ئەڤڕۆ پێنجشەمبی، ئالان حەمە سەعید وەزیرێ پەروەردەیا حکومەتا
رێڤەبرنا کاران نڤیسارەک ئاراستەی هەمی رێڤەبەرێن پەروەردەیێن پارێزگەهـ و
ئیدارەیێن سەربەخۆ ل هەرێمێ کریە، تێدا داخاز ژ هەمی مامۆستا و فەرمانبەرێن سەر ب
وێ وەزارەتێ کریە کۆ پێدڤیە هژمارا بەنکێ ب رێکا پرۆژێ هژمارا من ڤەکەن ژبوی وەرگرتنا
مووچەی.
ئاماژە ب وێیەکێ ژیکریە، لسەر فەرمانا
سەرۆکێ حکومەتا رێڤەبرنا کارێن هەرێمێ، پێدڤیە هەمی مامۆستا و فەرمانبەرێن سەر ب
وەزارەتا پەروەردێ بهێنە هایدارکرن ژبوی تژی کرنا فۆرما هژمارا من ڤەکرنا هژمارا
بەنکێ و دڤێت پێگیری وێ بڕیارێ بن.
هەڤدەم پێشەوا هەورامی پەیڤدارێ حکومەتا
رێڤەبرنا کاران راگەهاند، هەر چارەسەریەکا دناڤبەرا هەرێمێ و بەغدا بۆ مووچەی لسەر
حسابا هژمارا من بیت ڕەت دکەین.