AM:11:41:05/05/2024
56 جار خوێندراوەتەوە
+
-
ئەڤڕۆ ل دەمێ ڤەکرنا بازارێن دراڤان ل هەرێمێ
بهایێ ١٠٠ دۆلاران ب ١٤٥ هزار و ٦٥٠ دیناران بازار پێ هاتە کرن، ب ڤێ یەکێ ژی
هەڤبەر ب دوهی بهایێ وێ هاتیە خار.
ئەڤڕۆ ئێکشەمبی، ل دەمێ ڤەکرنا بازارێن دراڤان
بهایێ ١٠٠ دۆلار ب ١٤٥ هزار و ٦٥٠ دیناران بازار هاتە کرن، هەڤبەر ب دوهی بهایێ وێ
٢٠٠ دیناران هاتیە خار.
لدیڤ نووچەیێن میدیایێن عێراقێ، بەنکا ناڤەندی ئەرکدارکریە
بۆ کۆنترۆلکرنا بهایێ دۆلاری و راگرتنا قاچاخچیەتیێ ب دراڤێن بیانی، بۆ ڤێ مەرەمێ
عێراق بزاڤان دکەت هەمی مامەلەیێن ولاتی بکەتە ئەلیکترۆنی. دبیژیت ژی، "تیمەکا
کارێ هەڤبەش دناڤبەرا دەسهەلاتا گشتی باج و ئاسایشا نیشتیمانی و وەزارەتا ناڤخۆ دێ
هێتە پێکئینان بۆ رووبرووبوونا تاوانا رێکخرا و دبن سەرپەرشتیا بەنکا ناڤەندی".
ژلایێ خوڤە، پەیڤدارێ بازارێ دراڤان ل سلێمانیێ بۆ
ئێن ئاڕ تی راگەهاند، بهایێ دۆلارا ب ئاوایەکێ بەرچاڤ نزم بوویە ئەگەر فرۆتنا دۆلاران
ب ئاوایێ کاش و حەوالە بڤی ئاوایێ نها بمینیت دهێتە پێشبینیکرن بهایێ دۆلاری د ١٤٥
هزار دیناران دا بمینیت.
ئەڤە د دەمەکی دایە، بەنکا ناڤەندیا عێراقێ راگەهاند،
د دەمێ دوو حەفتینا دا ب هەردوو ئاوایێن کاش و حەوالە نێزیکی سێ ملیار دۆلار فرۆتیە
و لڤێ ڕێژەیێ ٩٦٪ ب ئاوایێ حەوالەیا دەرڤە بوویە. ئەڤەژی ئێکەم جارە بەنکا ناڤەندی
د دەمێ دوو حەفتیان دا نێزیکی سێ ملیار دۆلاران بفرۆشیت.