PM:11:20:04/05/2024
44 جار خوێندراوەتەوە
+
-
پەیڤدارێ پۆلیسێن هەولێڕێ بۆ ئێن ئار تی ڕاگەهاند، ئێڤاریا
ئەڤرۆ لسەر ئاریشەیەکا جڤاکی شەڕ دناڤبەرا دوو مالباتێن هەڤسێ یێن هەڤدوو دا دروست
بوو و ب وێ سەدەمێ سێ کەس بریندار بوون، دبێژیت ژی، "ئێک ژ برینداران ب گوللـەیێ
بریندار بوویە و دوویێن دی ژی ب چەقۆیێ".
ئەڤرۆ شەمبی کارزان سالح پەیڤدارێ پۆلیسێن هەولێرێ بۆ
ئێن ئاڕ تی ڕاگەهاند، پشتی کو هاتینە هایدارکرن کو شەڕ دناڤبەرا دوو مالباتێن
هەڤسێ یێن هەڤدوو دا ل تاخێ بهاری نوێ ل هەولێرێ دروست بووی ب مەرەما کۆنترۆلکرنا
رەوشێ چووینە جهێ بوویەرێ.
ئاماژە ب وێ یەکێ ژی کر، ئەو شەرە ژبەر ئاریشەیەکا جڤاکی
بوویە و ب وێ سەدەمێ ژی سێ کەس برینداربوون کو دوو گوللـە ب پێیێ ئێک ژ وان کەفتنە
و دوویێن دی ژی ب چەقۆیێ برینداربووینە.
بەحسا وێ یەکێ ژی کر، تا نها 19 کەس ژ هەردوو مالباتان لسەر
وی شەری هاتینە دەستەسەرکرن و ڤەکۆلین بەردەوامن.
موراد ئەحمەد – هەولێر