PM:02:31:05/05/2024
148 جار خوێندراوەتەوە
+
-
سەرۆکێ
فراکسیۆنا نەوەی نوێ ل گەڕا پێنجەما پەرلەمانێ کوردستانێ ڕاگەهاند، ل باژێرێ
هەولێرێ وان پێشوازی ژ شاندەکێ یۆنامی ب سەرۆکاتیا راوێژکارێ سیاسیێ یونامی ل
هەرێما کوردستانێ کر.
ئەڤرۆ شەمبی،
کاوە عەبدولقادر سەرۆکێ فراکسیۆنا نەوەی نوێ ل گەڕا پێنجەما پەرلەمانێ کوردستانێ
ڕاگەهاند، لسەر چەند پرسان دگەل شاندەکێ یونامی ب سەرۆکاتیا عەزیز زەربوت
شیوەرمەندێ یونامی ل هەرێما کوردستانێ جڤیا.
ئاماژە ب وێ
یەکێ ژی کر، د وێ رووینشتنێ دا بەحسا رەوشا سیاسی و پرسا هەلبژارتنا پەرلەمانێ
کوردستانێ و بەرهەڤیێن کۆمسیۆنێ و رۆلێ یونامی کر.
ئەو یەکژی
بەرچاڤکر، نەوەی نوێ تەکەزی ژ ئەنجامدانا هەلبژارتنەکا پاقژ و بێگەرد ب سەرپەرشتی
و چاڤدێریا نەتەوەیێن هەڤگرتی و جڤاکا نێڤدەولەتی کر و د دەمێ خۆ یێ دیاریکری دا برێڤەبچیت
کو 10ـێ حوزایرانا ئەڤسالەیە.
بەحسا وێ
یەکێ ژی کر، دوهی شەمبیێ شاندەکێ سیاسی یێ ژاپۆن سەرەدانا نەوەی نوێ کر و گوتوبێژ
دەربارەی رەوشا سیاسیا هەرێمێ و دەڤەرێ و ئەنجامدانا هەلبژارتنا پەرلەمانێ
کوردستانێ کرن، نەوەی نوێ ژی تەکەزی کر کو دڤیت هەلبژارتنا گەڕ شەشەما پەرلەمانێ
کوردستانی د دەمێ خۆ دا برێڤەبچیت.