AM:08:23:05/05/2024
296 جار خوێندراوەتەوە
+
-
زێدەباری بەرفرەهبوونا
گرژی و ئالۆزیێن رۆژهەلاتا ناڤین و کێمبوونا پەترۆلا کۆگەهکریا ئەمریکا بهایێ پەترۆلێ
هەڤبەری ب رۆژا ١٥ـی نیسانێ ب ڕێژەیا زێدەتری ٨٪ هاتە خار، د نها دا بەرمیلەکێ
پەترۆلا برێنت ب ٨٢ دۆلار و ٩٦ سەنتان بازار پێ دهیتەکرن و
هەڤبەر ب دوهی شەمبیێ بهایێ وێ بنەجهە.
ئەڤڕۆ ئێکشەمبی،
بهایێ ئێک بەرمیلا پەترۆلا رۆژئاڤایێ تێکساس ب ٧٨ دۆلار و ١١ سەنتان بازار پێ دهێتەکرن
و هەڤبەری دوهی شەمبیێ بهایێ وێ بنەجهە.
بەری نها، دەربارێ
کێمبوونا هناردەکرنا پەترۆلێ بۆ بازارێن جیهانێ رێکخراوا ئۆپێک پلەس راگەهاند، دێ
بەردەوامبن لسەر کێمکرنا ئاستێ بەرهەمئینان و هناردەکرنا پەترۆلێ بۆ بازارێن جیهانێ
و د نهادا خاستا بازاران بۆ پەترۆلێ تا دەستپێکا مەها حوزەیرانا ئەڤسالە دێ ب بنەجهی
مینیت.
ژلایەکێ دیڤە ناڤەندا
کارگێڕیا ئەنەرژیا ئەمریکا راگەهاند، د چارێگا ئێکێ یا ئەڤسالەدا ئاستێ کۆگەهکرنا
پەترۆلێ لدیڤ پێشبینیان نەبوویە ب ڕێژەیا ٠.٨٪ کێمبوویە و سەدەما وێ یەکێ ژی دزڤڕیت
بۆ گۆهڕانکاریێن سەقای ل دەڤەرێ.
سەدەمەکێ دی یێ
بلند بوونا بهایێ پەترۆلێ، دووبارە ب ئارمانج گرتن و تەقاندنا وێستگەهێن ئەنەرژیا
رەشا رووسیا بوو ژ لایێ ئۆکرانیا کو ئێکە دیە ژ سەدەمێن بلند بوونا بهایێ پەترۆلێ
بۆ سەر ٨٩ دۆلاران.