PM:01:15:05/05/2024
3640 جار خوێندراوەتەوە
+
-
وەزارەتا داراییا هەرێمێ ڕاگەهاند، هەمی رێکار جێبەجێکرینە و چاڤەرێی وەزارەتا
داراییا عێراقێ نە پارەی بهنێرن. وەزارەتا داراییا عێراقێ ژی دبێژیت، رژدن لسەر
ڕادەستکرنا داهاتێ نەپەترۆلی و پشترا مووچەیێ مەها چار دهنێرن".
ئاوات جەناب وەزیرێ دارایێ حکومەتا رێڤەبرنا کارێن هەرێمێ ڕاگەهاند،
"هەمی رێکار لدەف مە تەمام بووینە و ئەو لیستا مە هنارتی ئاریشە تێدا
نینە".
بەحسا وێ یەکێ ژی کر، چاڤەرێی وەزارەتا داراییا عێراقێ نە تا پارەیێ
مووچەیێ مەها چار بۆ مووچەخۆران بهنێرن.
گۆت ژی، دگەل شاندێ بەنکا بازرگانیا عێراقێ د گۆتوبێژان دانە بۆ ب
بەنکیکرنا مووچەیێ فەرمانبەران و پرژەیێ هژمارا من.
ئەڤە ژی د دەمەکی دایە، وەزارەتا داراییا عێراقێ بەحسا وێ یەکێ کریە، رژدن
لسەر رادەستکرنا داهاتێ نەپەترۆلی ژ لایێ حکومەتا رێڤەبرنا کاران ڤە پشترا مووچەیێ
مووچەخۆران دهنێرن.
ژێدەرەکی ژی ژ وەزارەتا داراییا عێراقێ بۆ ئێن ئاڕ تی بەحسا وێ یەکێ کر، تا
نها چ داهاتەک وەکی داهاتێ نەپەترۆلی ژ لایێ حکومەتا رێڤەبرنا کاران ڤە نەهاتینە
هنارتن بۆ سەر هژمارا بەنکیا وێ وەزارەتێ.