PM:08:16:04/05/2024
936 جار خوێندراوەتەوە
+
-
رێڤەبەرێ ڕاگەهاندنا بەنکا تی بی ئای دەربارەی ب بەنک کرنا مووچەیێ
مووچەخۆران بۆ ئێن ئاڕ تی ڕاگەهاند، وەک بەنکا بازرگانیا عێراقێ دێ پێگیر بن ب
بڕیارا دادگەها فیدرالی بۆ ب بەنک کرنا مووچەیێ مووچەخۆرێن هەرێمێ ل بن رێنمایێن
وەزارەتا داراییا عێراقێ، دبێژیت ژی، "وان چ زانیاری لسەر هژمارا من نینە و ئەو
بتنێ کار ب بڕیارا دادگەها فیدرالی دکەین بۆ بەنک کرنا مووچەی نەک هژمارا من".
ئەڤرۆ شەمبی، ئەحمەد خەزرەجی رێڤەبەرێ ڕاگەهاندنا بەنکا
تی بی ئای دەربارەی ب بەنک کرنا مووچەیێ مووچەخۆران بۆ ئێن ئاڕ تی ڕاگەهاند، محەمەد
شیاع سودانی سەرۆک وەزیرێن عێراقێ هژمارا من ب تەمامی رەتکریە، داخاز ژ وان ژی
کریە ب زوویترین دەم دەست ب بەنکرنا مووچەیێ مووچەخۆران بهێتەکر.
ئاماژە ب وێ یەکێ ژی کر، لسەر بڕیارا دادگەها فیدرالی
دەست ب ب بەنک کرنا مووچەیێ مووچەخۆرێن هەرێمێ دکەن و ل بن رێنمایێن وەزارەتا داراییا
عێراقێ کاردکەن بۆ سیستەمێ ب بەنک کرنا مووچەی، گوت ژی، "وان چ زانیاری
دەربارەی هژمارا من نینە و ناچنە بن چ پرۆژەیەکی ل دەرڤەی بڕیارا دادگەها فیدرالیا
عێراقێ".
هەڤدەم، لدیڤ
زانیاریان، بەنکێن ڕەشید و ڕافیدەین دێ لقێن بەنکێن خۆ ل هەرێمێ ڤەکەن و دێ
پشکداربن د پروسەیا ب بەنکی کرنا مووچەی مووچەخۆرێن هەرێمێ.
ئەڤە د دەمەکی دایە، پشتی
گفاشتنێن نەوەی نوێ و پێداگیریا حکومەتا عێراقێ بۆ ب بەنکی کرنا مووچەیێ
مووچەخۆرێن هەرێمێ ب رێکا بەنکا تی بی ئای، پرۆژەیێ هژمارا من یێ مەسرور بارزانی
نێزیک بوویە ژ هەلوەشاندنێ لدیڤ نڤیسارەکێ حکومەتا رێڤەبرنا کاران ڕازیبوویە ب
ڤەکرنا هژمارا بەنکێ ل بەنکێن تی بی ئای و ڕەشید ڕافیدەین.
بیرۆکا هژمارا من ئەو بوو مووچەخۆر تنێ ل پێنج بەنکان
هژمارا حسابیێ ڤەکەن کو پارتی و یەکێتی دیاریکربوون، تا مووچەیێ موچەخۆران دبن
دەستێ وان دابیت.
هەڤدەم،بڤێ
پێنگاڤێ ژ روویێ کرداری هژمارا من هاتیە هەلوەشاندن، ژبەرکو فەرمانبەر و مووچەخۆر
سەرپشکن ژ بەنکێن حکومی یێن عێراقێ هژمارا بەنکێ ڤەکەن کو نەوەی نوێ هەیاما
زێدەتری 6 مەهانە داخاز دکەت و ١١٩ ئیمزایێن پەرلەمانتاران بۆ کۆمکرینە.
ئەڤە د دەمەکی دایە، نەوەن نوی تا نها دوو جاران ب ئیمزایا
پەرلەمانتارێن عێراقێ پرۆژە بەرهەڤکریە بۆ ب بەنکی کرنا مووچەیێ مووچەخۆرێن هەرێمێ
ب رێکا بەنکێن حکومی یێن عێراقێ، حەفتیا دەربازبووی دژی پرۆژێ هژمارا من 86 ئیمزا
یێن پەرلەمانتارین عێراقێ کۆمکرن داخاز ژ سەرۆک وەزیرێن عێراقێ کر پرۆژێ هژمارا من
یێ پارتی و یەکێتی ب تەمامی بهێتە ڕەتکرن تا مووچەیێ مووچەخۆرێن هەرێمێ دبن دەستێ
پارتی و یەکێتی بهێتە دەر.