PM:03:00:24/04/2024
476 جار خوێندراوەتەوە
+
-
سەرۆکێ لژنەیا دووبارە
ڤەگەریانا ئاوارەیێن باشوورێ پارێزگەها سەلاحەدین ڕاگەهاند، 350 خێزانێن ئاوارەیێن
دی ل کەمپێن هەرێما کوردستانێ ڤەگەریانە جهێن خۆ ل ناحیا یەسرپ ل باشوورێ
پاریزگەها سەلاحەدین.
ئەڤرۆ چارشەمبی، مەنسور
عوەید سەرۆکێ لژنەیا دووبارە ڤەگەریانا ئاوارەیێن باشوورێ پارێزگەها سەلاحەدین
ڕاگەهاند، پشتی بڕیارا حکومەتێ دەربارەی ڤەگەراندنا ئاوارەیان بۆ جهێن خۆ و
داخستنا کەمپان ل 30ـیێ مەها تەمموزا بهێت، بۆ وان دەرکەفتیە کو خاستەکا زۆر ژلایێ
ئاوارەیێن ئاکنجیێن کەمپێن هەرێما کوردستانێ هەیە بۆ ڤەگەراندنێ.
بەحسا وێ یەکێ ژی کر، د وی
کڤانی دا 350 خێزانێن ئاوارەیێن دی ڤەگەریاینە جهێن خۆ ل دەڤەرێن سەر ب ناحیا یەسرپ
ل باشوورێ پارێزگەها سەلاحەدین و دهێتە چاڤەرێکرن د حەفتیا بهێت دا، 400 خێزانێن
دی یێن ئاوارە ل هەرێما کوردستانێ ڤەگەرنە جهێن خۆ ل دەڤەرێن باشوورێ پارێزگەها سەحلاحەدین.
ئاماژە ب وێ یەکێ ژی کر،
تا نها دوو هزار و 500 خێزانێن ئاوارە ڤەگەریاینە جهێن خۆ ل دەڤەرێن باشوورێ
پارێزگەها سەلاحەدین.
ژلایێ خۆ ڤە ژی محەمەد
بەلداوی ئەندامێ جڤاتا نوینەرێن عێراقێ بۆ ئاژانسا نووچەیا فەرمیا عێراقێ راگەهاند
کو بزاڤێن وان ب مەرەما دووبارە ڤەگەراندنا ئاوارەیان بۆ دەڤەرێن وان ل کەمپێن
هەرێما کوردستانێ بۆ دەڤەرێ باشوورێ پارێزگەها سەلاحەدین بەردەوامن.