PM:10:52:04/05/2024
840 جار خوێندراوەتەوە
+
-
شەهرەزایەکێ ئابووریێ دەربارەی مووچەیێ مەها چار بۆ ئێن
ئاڕ تی ڕاگەهاند، ئەو ئاریشەیێن کو د لیستا مووچەیێ مەها چار دا بوون بووینە
سەدەمێ گیروبوونا مووچەیێ مەها نیسانێ و ئاریشە تەکنیکیە نەکو سیاسی، دبێژیت،
"رەنگە تا داویا ڤێ حەفتیێ بەغدا مووچەیێ مەها چار یێ مووچەخۆرێن هەرێمێ
بهنێریت".
ئەڤرۆ شەمبی، کاوە عەبدولعەزیز شەهرەزایێ ئابووریێ د
بەرنامەیێ تاوتوێ یێن ئێن ئاڕ تی دا ڕاگەهاند، جهێ حێبەتیێ یە کو تا نها پرسا
مووچەی سەرنووچەیێ نووچەیانە و زێدەباری کو ژ ئاریشەیێن سیاسی ژی هاتیە جوداکرن هەیا
نها نەهاتیە چارەسەرکرن.
ئاماژە ب وێ یەکی ژی کر، ئەو ئارێشەیا د لیستا مووچەیێ
مەها چار دا دروستبووی ئاریشەیەکا تەکنیکیە و رەنگە د ڤێ حەفتیێ دا بهێتە
چارەسەرکرن و تا داویا حەفتیێ بەغدا مووچەیێ مووچەخۆرێن هەرێمێ بۆ وەزارەتا
داراییا حکومەتا رێڤەبرنا بهنێریت.
گوتژی ژی، " ب بەنک کرنا مووچەیێ مووچەخۆرێن هەرێمێ
هەمی ئاریشەیان دێ چارەسەر کەت و پێدڤیە تا ئێکئالی کرنا گوتوبێژان دناڤبەرا بەغدا
و هەرێمێ دەربارەی هژمارا من و بەنکێن حکومی، بەغدا مووچەیێ مووچەخۆران ب کاش بهنێریت".
بەحسا وێ یەکێ ژی کر، لدیف دەستوری وەلاتیێن هەرێم و
بەغدا یەکسانن و ب وێ سەدەمێ ژی دڤێت مووچەیێ فەرمانبەرێن هەرێمێ هەڤئاوایێ عێراقێ
لێ بهێتەکرن ژبەرکو نابیت دووبارە ئاریشەیێن دناڤبەرا بەغدا و هەرێمێ دا سەرهەلبدەن.