PM:08:18:05/05/2024
4152 جار خوێندراوەتەوە
+
-
لدیڤ زانیاریێن ئێن
ئاڕ تی، بزاڤێن هەرێمێ بۆ باشکرنا مووچەیێ مووچەخۆران ب رێکا هژمارا من، بوویە
سەدەمێ گیروبوونا مووچەیێ مەها چار. بریکارێ بەرێ یێ وەزارەتا داراییا عێراقێ
راگەهاند، تا نها چ رێککەفتنەک دناڤبەرا هەرێمێ و بەغدا نەهاتیە کرن بۆ هنارتنا
مووچەیێ مەها چار.
ئەڤڕۆ ئێکشەمبی، فازل
نەبی بریکارێ بەرێ یێ وەزارەتا داراییا عێراقێ بۆ ئین ئاڕ تی راگەهاند، حکومەتا
عێراقێ رژدە لسەر ب ب بەنکی کرنا مووچەیێ مووچەخۆرێن هەرێمێ ب رێکا بەنکێن عێراقێ.
لدیڤ زانیاریێن ئێن ئاڕ تی، بزاڤێن هەرێمێ بۆ باشکرنا مووچەی ب رێکا هژمارا
من، سەدەمێ گیروبوونا مووچەیێ مەها چارە.
هەڤدەم، فازل نەبی ئاماژە ب وێیەکێ ژیکر، تا نها چ رێککەفتنەک دناڤبەرا هەرێمێ
و بەغدا نەهاتیە کرن دەربارێ مووچەیێ مەها چار یێ مووچەخۆرێن هەرێمێ.
ئەو یەکژی بەرچاڤکر، رێڤەبەرێ گشتی یێ بەنکا تی بی ئای راگەهاند، ڕازی نابن
ببنە بەشەک ل هژمارا من و لدیڤ بڕیارا
دادگەها فیدرالی پێدڤیە مووچەیێ مووچەخۆرێن هەرێمی بهێتە ب بەنکی کرن.
هەڤدەم، سەرۆک وەزیرێن عێراقێ هژمارا من ب تەمامی ڕەتکریە و رێڤەبەرێ بەنکا
تی بی ئار راگەهاند، سەرۆک وەزیرێن عێراقێ فەرمانکریە ب زووترین دەم دەست بکەن ب
بەنکی کرنا مووچەیێ مووچەخۆرێن هەرێمێ بکەین.
بیرۆکا هژمارا من ئەو
بوو مووچەخۆر تنێ ل پێنج بەنکان هژمارا حسابیێ ڤەکەن کو پارتی و یەکێتی دیاریکربوون،
تا مووچەیێ موچەخۆران دبن دەستێ وان دابیت.
بڤێ پێنگاڤێ ژ روویێ
کرداری هژمارا من هاتیە هەلوەشاندن، ژبەرکو فەرمانبەر و مووچەخۆر سەرپشکن ژ بەنکێن
حکومی یێن عێراقێ هژمارا بەنکێ ڤەکەن کو نەوەی نوێ هەیاما زێدەتری 6 مەهانە داخاز
دکەت و ١١٩ ئیمزایێن پەرلەمانتاران بۆ کۆمکرینە.