PM:12:28:24/04/2024
716 جار خوێندراوەتەوە
+
-
ئەڤرۆ 24ـێ نیسانێ، نیڤ
چەرخ بسەر بۆمبەبارانا باژێرێ قەلادزێ و زانکۆیا سلێمانیێ ژلایێ رژێما بەعس
دەربازدبیت، کو وی دەمی زانکۆیا سلێمانیێ ل قەلادزێ بوو.
ل 24ـێ نیسانا سالا
1974ـێ، باژێرێ قەلادزێ ژلایێ رژێما بەحس یا وی دەمی ب رێکا چار بالەفڕێن سیخۆ و
١٦ بۆمبان هاتە بۆمبەباران کرن.
د وی دەمی دا زانکۆیا
سلێمانیێ بۆ قەلادزێ هاتبوو ڤەگوهاستن، لێ هەر ل رۆژا 24ـێ نیسانا 1974 کەمپا
زانکۆیا سلێمانیێ ل قەلادزێ هاتە بۆمبەباران کرن.
ژ ئەنجامێ بۆمبەبارانا
باژێرێ قەلادزێ و کەمپا سلێمانیێ ل وی باژێری، 300 وەلاتی بریندار بوون و 163
وەلاتی ژی شەهید بوون کو نەهـ ژ وان خاندەکارێن زانکۆیا سلێمانیێ بوون.
پشترا ل 24ـێ 4ـێ 1982
سالڤەگەرا بۆمبەرانا هەلەبجە هاتە ساخ کرن و پشترا ل راپەرین خۆنیشاندان هاتە
ئەنجامدان و د ئەنجام دا دوو خیشک کو ب "خیشکا سنەوبەر و دایە ئامینە"
دهاتنە نیاسین شەهید بوون و پێنج کەسێن دی ژی بریندار بوون.
نها ژی پشتی 50 سالان ژ
بۆمبەبارانا وی باژێری تا نها ئاکنجیێن وێ ب دەستێ نەبوونا خزمەتگوزاریان و پرۆژە
و دەرفەتێن کاری دنالینن.